媾女啫....唔洗咁呀: 重生？
1.
我唔知會有幾多人會信奇跡呢。但至小我唔信，因為奇跡係唔會發生係一個好似我咁既人身上。。。
社會同家庭既壓力以經令我再諗唔到生存既意義，目標。
作為打工仔既我，依家終於明白點解成日都會有人因為受唔住呢種壓力以去尋死！
一望無際漆黑既天空，四周連鬼影都唔多隻既地方，呢一秒我身處係令人覺得可以一死以謝天華既香港國際金融中心頂樓。
我以經再唔想諗我可以點樣做，我一步一步咁行近邊緣！搖搖欲墜咁坐左係個天台既一角。
一直係到諗其實人死左會去邊，究竟死係唔係一種解脫，係咪死咗就咩都會完結，係咪死咗就可以所有野都會重新黎過？
有人話死之前會回憶一切事物。
2點59分59秒，我決定用我一生中最大既勇氣合埋雙眼係呢個高到地下都望唔到既國際金融中心一躍以下。
係下墜既過程中我只係諗到無限既後悔同悲寂。
如果我可以重新黎過我會點做？嘭…！
突然一把好熟悉既聲音大叫！
「～喂～～～黃柏軒～～～～黃柏軒你仲唔起身返學，你再唔起身返學就遲到中二開學禮架喇，快d起身喇哀仔。」
我一擘大眼既時候發現。咦！！我做咩會係到既，張床咪係我中小學訓個張，點解我會係以前住既地方到既？
「下。你講咩呀，咩開學禮呀，返咩學呀？」
原來係我呀媽一直叫我，而家佢好嬲
「你再唔起身你今個禮拜一蚊都冇！」
係呢個時候我百思不得其解，乜我岩岩唔係國際金融中心跳左落黎架咩？
「媽。今日幾多號呀？」
「9月1號囉！」
「9月1號？」
「係呀！2006年9月1號呀！」
「吓！2006年！？。你估我係項少龍回到過去呀！」
「你個死仔叫你唔好成日打咁多機架喇。依家打機打壞腦喇。咩回到過去呀，如果你呀媽我可以回到過去～一定唔會生咗你個仆街仔出黎喇。可能我仲媾緊仔呀。 醒下喇回到過去，挑拿星！嗱嗱啉換杉返學呀衰仔！」
雖然心裏充滿無限個問號，但由於面對地球上最恐佈既生命體，不自覺地從內心感受到生命受到威脅，我本能反應表示出可以做既只有係…換杉返學！
當我仲未知發生緊乜事懵懵下既時候書包入面傳出「人人親近我～無人爭奪我....」既聲音，追隨書包震動既來源居然搵出一件歷史遺物Sony w900i電話，顯示住「柒頭杰」。
「喂，係邊呀？今日開學禮好撚多新女睇架！同埋係我地學校開以黎第一年轉男女校呀！諗起都扯旗，唔同你講喇，門口勁多MM（美眉）門口等喇898！」
係我一句聲都出唔到既情況下比呢位柒頭杰輾壓性擊倒咗。
呢個叫柒頭杰既係我中學既老死！雖然佢同我唔同班但係佢係我最friend既女仔條仔！咪住...唔係咁邪呀！？真係返左去2006！？
眼定定望住部w900i不知不覺中已經去到我既母校聖育強中學！
一落車就望住間母校，唔係拆左架喇咩？點解仲係到既。
當我仲係到諗緊呢件咁不可思議既事既時候，有個好熟悉既人跑過黎大大力一下拍落我個頭到！我當時第一反應係覺得好撚痛，忍唔住大聲屌左出聲！！
「屌！邊鳩個打我個頭，我最憎人打我個頭架喇！」
「喂⋯⋯仲企係到做咩呀！嗱嗱聲入去吸女喇！仲係到鳩下鳩下」
「下！你咪係呀杰？」
「我唔係呀杰唔通係你老豆咩kai子！」
一個好熟悉既樣…呀杰！冇錯呢個一定係呀杰！我個一刻真係有一個衝動好想擁抱佢！因為我同佢係不久既將來發生左一件好大獲既事，由本來好friend變到大家唔理大家，又無再聯絡，但係依家比我見到佢唔知係咪真係回到過去呢？
第一年轉成男女校既男校真係令到好多師兄好雀躍、個個都用淫賤既眼神去審判緊啲小師妹。不過都唔係令我太開心、因為係我記憶當中𠴱個時候我個班係無女仔同班，所以都唔會太過興奮。
話雖如此，如果同我記憶中既一樣我咪真係返左2006年。入到班房呀杰就坐左係我隔離係咁嘈音轟炸我
「喂～～柏軒唔知我地班d女女質素點架呢？如果係姣底就好喇嘻嘻....」
我直頭唔想理佢，自己只係念念有詞咁嗡
「唔好無女呀！如果無女就真係返翻去舊時讀書既時候架喇！唔好呀～～～～～」
「柏軒你傻撚左呀？自己係到念經咁，你今日做咩呀？放假放傻左你呀、精神呀老朋！miss入黎喇。」
講完早晨後就輪到點名既時候喇，一個一個名讀出黎既時候，心中不停咁同自己講要有女呀，女呀⋯⋯最終當miss點完名既時候…真係一個女仔都無，我忍唔住係個班房到大嗌左句
「屌你老母！唔係真係無女呀？」
一講完呢句說話全班同學連呆咗呆之後就係到喝采，拍手叫好、係呢個咁既時候miss好大聲咁喝止住我地班男同學
「你地當自己係屋企呀，鐘意叫就叫玩就玩！仲有你呀黃柏軒你頭先講咩呀？講埋哂啲咁既野，仲要講粗口！你真係當我呢個miss死架！你係咪想開學第一日就比人罰留堂呀吓？」
「真係冇女仔呀miss？」
「你仲問？如果真係無女仔你係咪唔讀呀咁？同我罰抄校規三次！」
「對唔住囉miss，我唔講野喇！」
我心裏終於清楚知道我真係返左去我讀中學既時候！
今日返學都係最主要交代下今年既課程，分下學號派下書，小息既鐘聲嚮起、一班男同學快過火箭咁狗衝出去小食部買野食，當然唔小得最重要既環節，咪就係企樓梯底睇下新黎既女同學落樓梯優美姿態喇！
遠處見到呀杰慢慢行過黎，帶住笑意淫淫既表情舉住隻手指公講
「你係型既！咁夠彊係班房當住miss面前爆粗同埋講出我地成班男同學既心聲！我越黎越欣賞你…嘻嘻！」
「傻喇…呀杰型咩呀，唉！你唔明架喇！」
「屌！都唔知你今日做乜鳩？烚下烚下咁，睇下啲女個個條裙短到好似無著咁呀！」
「我唔睇喇！你自己慢慢睇飽佢喇，唔好煩我住，當我求下你。」
「學校個啲唔鐘意最多咪叫我條女介紹啲女比你識喇，呀！今日放學帶你去我屋企附近𠴱個籃球場坐下介紹啲女比你識！」
「唔係呢個問！」我都仲咪講個「題」字，呀杰就唔比我講
「得啦！唔撚洗講喇，一於咁話～8」
佢就狗衝走咗落去小食部、事關呀杰細個既時候係一個古惑仔、而佢蒲開既地方就係屋邨⋯⋯簡單啲講啫係邨童！！
一放學呀杰二話不說就暴力拉撚咗我上車、係車上面不停咁同我講轉頭介紹啲咩女比我識，但係我根本都唔係想識女......唉........
係呢程路上面我不停咁諗返我細個既時候d事，我為左呀杰唔好再煩我，我唯有帶起我係書包搵到既headphones，佢就係好多年前曾經叱咤風雲既Walkman ，個時w900i 最型既就係一禁個制就會播歌，於事我隨手一禁，播左一首非常經典既歌
「何不把悲哀感覺 假設是來自你虛構～
前塵硬化像石頭 隨緣地拋下便逃走～
～我絕不罕有 往街裡繞過一周我便化烏有～」
屌嗱媽！洗唔洗咁應景呀？唔通連個天都真係想比多之機會我？
由於全程太投入音樂之中，我都唔記得咗呀杰既存在，突然呀杰企起身拉住我
「仆街！仲坐係到，唔記得左要落車呀？快撚d行喇柏軒！！」
於事我就成隻死狗咁跟左呀杰狗衝落車！慢慢行去被我遺忘許久而又熟悉既籃球場、我係呢個籃球場留低左好多中學生涯既點滴初戀、初吻、打架、撩女，入會，成長都係呢條邨、呢個籃球場！
行到去籃球場既時候、見到一班好耐無見既舊朋友係到打籃球、食煙吹水，場面十分懷念、呀杰係一啲先兆都無既情況底下大叫
「喂～～你班撚樣打波唔等埋我、咁撚狗既你地、介紹個新朋友比你地識呢個我老朋。你地叫佢柏軒得架喇！佢地就係我d朋友喇！呀明，呀暉，呀華，呀強…………」
係呀杰逐一介紹途中，我下意識咁嗡咗句
「我識佢地喇！」
「下？你地識柏軒架咩？」
「唔識喎！邊個柏軒呀？」
我知道自己講錯咗野之後即刻兜
「佢地個名係呢條邨出哂名㗎啦，點會唔識呀…哈哈」
「哈！玩玩下就識架喇！你啲朋友咪姐係我啲朋友！係咪先？」
就係咁我再一次認識一班會係我生命中留下好多回憶既損友！突然有首好久違既mk disco歌嚮起
「Would you be my bad boy be my man
be my weekend lover
but don't be my friend
You can be my Bad boy」
無錯！呢首就係當期時mk仔中幾經典 bad boy 。原來係柒頭杰個電話既鈴聲、佢一聽電話
「喂、你到未，快d黎喇！我上堂個時我咪sms左你話介紹個男仔比你識既、我帶左佢黎喇、仲有呀唔好唔記得去地啲野飲呀！係咁喇。」
過左無幾耐，有把好甜美，溫柔、熟悉既聲音傳入我耳邊
「喂丫你地快d過黎幫手喇好重呀你地d野飲！」
我雙眼不自然咁跟住聲音既來源、一轉身望到既係一個我人生第一個後悔無好好咁對佢既人！