【重力甜】日記式甜故巨著—2014年夏天很多野扑（不定期更新）: 第八回

呢晚我就即刻打電話同同Coffee傾下計加深下感情先。識女仔既必做動作黎，如果你隔一日先打電話去，佢就已經會忘記左你，又或者理性驅使下唔會聽一個陌生人電話。 

「Coffee，鐘唔鐘意小動物？」我故意扮熟。

「鐘意呀，我屋企有養貓架。」 Coffee果然記得我。

「喂咁岩喇，我發現原來明珠台有奇documentry叫Too cute，超得意架！」我話。

Coffee好開心：「係咩？咁下次做我地一齊睇呀！」 



我心入面既夜神月又出黎喇！奸笑就係我既指定動作。

「好呀，我得閒你咪陪我睇囉。」我笑住話。 

Coffee：「咁我會打比你架~要聽我電話呀！」 

「咁要睇我心情好唔好喇喎。」我笑住話。 通常岩岩認識既女仔絕對可以講少少聽起上黎都毛管動既說話。

Coffee：「衰人~」 



我話：「好喇時候不早，要保持健康人生，我訓喇，拜拜dse雞。」 

Coffee：「老人家係要著重健康多d既哈哈！早抖喇~」 

今日既follow up大約就係咁喇。獵物名單+1。