【重力甜】日記式甜故巨著—2014年夏天很多野扑（不定期更新）: 第七回
「點叫你呀dse雞？」我話。
女仔打左我一下。「我叫Coffee~你呢A level雞？」
「Ivan，你可以叫我劉德華」
Coffee狂係度笑。
「做咩我講咩你都笑？點左笑穴？」我用手指扮點穴，篤佢個肚。
Coffee竟然篤返我，我話：「你篤中個穴位我會走音。」
呢d爛gag我對住女朋友都唔會用，不過呢個少女鐘意，就同佢玩下。佢真係狂周圍篤試下我會唔會走音喎，於是我就捉住佢隻手，唔比佢篤。「好痕咪篤喇，我怕o即。」
我放返佢隻手。見到Coffee有少少面紅喎。我心諗，唔通佢係A0 DSE雞？
Coffee因為摸完手仔面紅，都幾可愛。所以我轉話題。「你去邊個站落？」
Coffee：「你呢？」
我話：「我大窩口落，再去補習。」
Coffee：「補幾點至幾點呀？」
「如無意外，一點至三點半啦，做咩？」我話。
Coffee笑：「無咩呀~問下姐。比你電話我呀？」
估唔到今次係佢主動羅我電話，呢個Coffee，似乎對我有d好感喎。我再望望佢身材，C cup胸，腰都算幼，皮膚白，樣又可愛，真係食得過。好啦，咁我就唔客氣！
我地交換左電話，呢日就咁。之後都無乜特別野喇！