【夢幻】《我從來冇諗過我會有咁正既女朋友》: 平淡的幸福

話咁快...我地就去左紅磡黃埔花園既冒險樂園 


 點解我會帶敏兒去冒險樂園？ 


 因為我記得敏兒曾經同我講過，佢細個最鍾意就係玩夾糖機同埋擲彩虹，但已經好耐冇去所以好懷念果種感覺。 


 敏兒一入到去就好興奮咁拉住我環繞成個樂園一圈，之後再不斷同我講話佢想玩啲咩！見到敏兒未玩先興奮既樣，我就知道我冇揀錯地方！ 






  好快就比我留意到擲彩虹果到有敏兒最鍾意既企鵝！！ 


 上次去海洋公園冇機會送比敏兒！所以我今次係志在必得！ 


 我同敏兒第一樣玩既野就係夾糖，我相信每個人都玩過果部「夾糖機」架喇！ 






 基本上次次玩都一定會夾到幾粒糖，真係豪無技術可言！


 當然最後我地都好成功地夾到幾粒糖啦！當係為一陣挑戰擲彩虹而做好準備！


 雖然兩樣係完全唔同既野黎...但我相信絕對會係一個好既開始！






 跟住我地就去左玩藍球機！唔好睇我平時唔做開運動淨係識打機啊！


我話哂中學既時候都玩過一年藍球校隊架！最後因為成日要去訓練太辛苦而放棄左！   我同敏兒決定分開玩！一日挑戰一部機！ 

 雖然敏兒有做開運動，但始終藍球都會係男仔勁啲！ 


所以當我見到敏兒就快冇時間又差幾分過唔到關既時候，我就會去幫手，起呢一刻既我真係好MAN !


話時話，起果一刻我都發覺自己散發住一種「陽光美男子」既氣息！  


雖然個名柒就係柒啲！但都夠哂「殺食」啦！   





最後我地兩個都好成功地挑戰到最尾果關！  


但我想講，起冒險樂園裏面我最鐘意玩既並唔係藍球機。  


而係「氣墊球」！！  


「氣墊球」最大既特色就係比「兩個人」玩，簡單啲黎講即係岩哂比情侶玩。  


一生只想尋找一個肯同你玩氣墊球既女人！  






一開始既時候，我同敏兒既戰況都非常緊張，大家都不相百仲，但去到後尾既時候敏兒為左拎個氣墊球，差唔多成半個身捱左落張枱度，我見佢玩到博哂命咁，最後都刻意讓賽比敏兒贏。 


 當敏兒見到自己贏左既時候，興奮到成個人彈起左，見到佢咁興奮，我輸都輸得特別開心啦！  


話咁快就係我挑戰「擲彩虹」贏企鵝既時候喇！  


隻企鵝係大獎黎！只要掂到「藍色」就可以送隻企鵝比敏兒架喇！  


我起唔同位置同角度試左幾次，亦都試左幾次唔同既氣度！  






我抱住一個「就算再輸再不斷試既精神」  


終於掌握到個技巧！起我旁邊既敏兒見到我掌握到個技巧，愈黎愈接近個目標佢都開始變得緊張...  



我望一望旁邊既敏兒，再祈求「幸運之神」既眷顧，就起下一間，我同敏兒都親眼見證住手中既硬幣飛向去「綠色彩虹」再滑左過去「藍色彩虹」既一刻！ 


 我同敏兒向住對方同一時間一齊講左句「Give me five 」，合拍程度簡直係滿分！ 


 最後我地都係「抱得企鵝歸」！ 





 起搭車返屋企途中，我見到敏兒一直都攬實隻企鵝唔放..   

今日雖然冇做過啲咩好有意義既事情，但總比行街睇戲食飯更加有回憶。  


要去判斷一件事情有冇意義，都係睇下你自己點樣去睇呢件事。   

起碼每次當敏兒望住隻企鵝既時候，都會諗返起我地經歷過既美好時光。  


就算日後發生咩事都好...我心中都好想同敏兒講一句...  


「愛你能教我幸福一世紀，感激遇到你！」