星期六晚,M無端端話想搵工
![](http://archive.hkgolden.com/faces/clown.gif)
:做乜無啦啦想搵工?
![](http://archive.hkgolden.com/faces/wink.gif)
:我唔想再洗任何人既錢
![](http://archive.hkgolden.com/faces/clown.gif)
:你咁多朋友,你問一問一定大把人有得介紹
![](http://archive.hkgolden.com/faces/wink.gif)
:冇哂朋友,得番你一個
聽到佢咁講,我覺得好安慰
於是我就同佢一齊上勞工處個網度搵工
搵左好耐,呢份佢又話唔岩、果份又話唔岩
於是我話
![](http://archive.hkgolden.com/faces/clown.gif)
:B一向係佢屋企舖頭幫手,你去搵佢,佢一定會請你架
呢個係我充滿真誠既提議,並唔係講晦氣說話
但係M話
![](http://archive.hkgolden.com/faces/wink.gif)
:你又將我推比B,你咩意思
![](http://archive.hkgolden.com/faces/clown.gif)
:ER…我錯我錯,既然你唔想既,我地繼續搵囉
![](http://archive.hkgolden.com/faces/wink.gif)
:算啦我明白你意思
![](http://archive.hkgolden.com/faces/clown.gif)
:又點呀?
![](http://archive.hkgolden.com/faces/wink.gif)
:咩點呀,我搵工又關B咩事呀
![](http://archive.hkgolden.com/faces/clown.gif)
:我錯囉,咁我話繼續搵,你又話算啦算啦咁
隔左一陣,M打黎…
一開頭我地傾下D搵工既事
跟住唔記得左傾到乜野,M無端端打趣咁講左句
![](http://archive.hkgolden.com/faces/wink.gif)
:咁我地呢世都做朋友囉
呢排咁多M既事煩擾我真係好累,再聽到佢咁講
我真係有少少心碎既講覺
![](http://archive.hkgolden.com/faces/clown.gif)
:既然你咁講到……好呀
M聽到我咁講,然後用好灰心既語氣回應左我一句
![](http://archive.hkgolden.com/faces/wink.gif)
:……嗯,原來你係咁諗既…
![](http://archive.hkgolden.com/faces/clown.gif)
:M呀,呢排好多事令到我好困擾…你係MEGABOX講到好委屈咁,但係我所知道既野令我覺得,你冇你所講既咁委屈囉
![](http://archive.hkgolden.com/faces/wink.gif)
:你咩意思呀,我都話左我係迫不得已
![](http://archive.hkgolden.com/faces/clown.gif)
:如果你真係有咩難處既話,我一定會幫你幫到底,但係…如果你真係鍾意B既話,我會祝福你地…
![](http://archive.hkgolden.com/faces/wink.gif)
:你講野好難聽呀大鋼砲,祝乜野褔呀
猶豫左好耐之後我終於直接問佢
![](http://archive.hkgolden.com/faces/clown.gif)
:我有個朋友同我講,佢話係尖沙咀見到你同B拖住手行街
![](http://archive.hkgolden.com/faces/wink.gif)
:你都知果日係B強逼我出去,我都唔想架!只係拖手咋嘛,根本就唔代表D乜,拖手就代表我地拍拖?代表我鍾意佢?……(嗚咽)……你係MEGABOX明知我發生咩事你都要咁問,我覺得…你好冇良心好冷血囉
其實我聽得出佢係有少少夾硬Chok出黎扮喊,但係我最終都心軟
![](http://archive.hkgolden.com/faces/clown.gif)
:真係好對唔住…係我誤會左你
![](http://archive.hkgolden.com/faces/wink.gif)
:點呀,你仲要派幾多人黎跟蹤我呀?
![](http://archive.hkgolden.com/faces/clown.gif)
:我邊有搵人跟蹤你呀?係我錯,我明知個事實係咁我都唔信你,好對唔住…
![](http://archive.hkgolden.com/faces/wink.gif)
:係喇係喇我愛佢呀咁你滿意未?佢又靚仔係咪先?佢早兩日都係聖安德烈堂門口向我求婚啦,我應該仆倒咁應承佢啦係咪呀?
![](http://archive.hkgolden.com/faces/clown.gif)
:你開心就得…
![](http://archive.hkgolden.com/faces/wink.gif)
:但係你唔開心囉
兩日後,星期一,2月28日
下晝放學,我個心仲好亂,好多野煩
於是我自己一個出左街鳩行
四點幾行到十點幾
先去尖咀再落老銅再去灣仔再番尖咀
番到尖咀既時候竟然比我撞到個舊同學兼兄弟
佢睇得出我唔開心就陪左我去海傍吹風
於是我將我同M既故事講左比佢知
佢聽完之後話:「你唔係信佢呀嘛?佢擺到明當你係兵啦,唔好諗咁多啦,唔洗再理佢」
當我係兵?唔會掛…我從來都冇咁諗過
我個心開始動搖,唔通M真係講大話?真係當我係兵?
我說服唔到自己,我邊會咁蠢比佢玩左半年都唔知!
番到屋企已經兩點幾,訓唔著,百無聊賴,開電腦
相信你地唔難想像我當時既憔悴
On左MSN冇幾耐M就震我
![](http://archive.hkgolden.com/faces/wink.gif)
:咁夜仲未訓?
![](http://archive.hkgolden.com/faces/clown.gif)
:係呀岩岩先番到屋企
![](http://archive.hkgolden.com/faces/wink.gif)
:去邊黎呀?
![](http://archive.hkgolden.com/faces/clown.gif)
:尖咀>老銅>灣仔>尖咀
![](http://archive.hkgolden.com/faces/wink.gif)
:搞咩去呢D地方?
![](http://archive.hkgolden.com/faces/clown.gif)
:周圍行下姐
![](http://archive.hkgolden.com/faces/wink.gif)
:無啦啦周圍行,唔開心?
![](http://archive.hkgolden.com/faces/clown.gif)
:少少啦
![](http://archive.hkgolden.com/faces/wink.gif)
:點解呀?
![](http://archive.hkgolden.com/faces/clown.gif)
:冇咩事丫其實
![](http://archive.hkgolden.com/faces/wink.gif)
:你D語氣話比我知,你唔想同我講野
![](http://archive.hkgolden.com/faces/clown.gif)
:邊係呀= =
![](http://archive.hkgolden.com/faces/wink.gif)
:你以前好少用「= =」
![](http://archive.hkgolden.com/faces/clown.gif)
:你會唔會諗得太多呢
![](http://archive.hkgolden.com/faces/wink.gif)
:可能啦,我心機重呀嘛可?
![](http://archive.hkgolden.com/faces/clown.gif)
:我點知你心機重唔重
![](http://archive.hkgolden.com/faces/wink.gif)
:我仲想同你做朋友呀大鋼砲
![](http://archive.hkgolden.com/faces/clown.gif)
:我都想呀
![](http://archive.hkgolden.com/faces/wink.gif)
:唔好搞成咁啦大鋼砲
![](http://archive.hkgolden.com/faces/clown.gif)
:無端端做乜講埋D咁既野?
![](http://archive.hkgolden.com/faces/wink.gif)
:我地又岩傾又岩玩
![](http://archive.hkgolden.com/faces/clown.gif)
:我地不嬲都係好朋友黎架嘛係唔係?
![](http://archive.hkgolden.com/faces/wink.gif)
:我見你講野方式唔同哂,我好唔舒服,你知道好多野,我唔明點解會搞到呢個地步
![](http://archive.hkgolden.com/faces/clown.gif)
:我唔明你講乜,咩叫我知道好多野?
![](http://archive.hkgolden.com/faces/wink.gif)
:你就當我以前咩都係呃你,其實你咩都唔知
![](http://archive.hkgolden.com/faces/clown.gif)
:呃我…係咪即係其實你同B一早就一齊左
![](http://archive.hkgolden.com/faces/wink.gif)
:你覺得我係MEGABOX講大話?
呢一刻我差D想講比佢知我偷睇佢MSN Record所知道既野,但係我忍住左
![](http://archive.hkgolden.com/faces/clown.gif)
:唉你唔好迫我,總之我仲想同你做好朋友一齊玩一齊影相,難得我同你咁夾,係咪先?
![](http://archive.hkgolden.com/faces/wink.gif)
:我唔想咁樣,你有咩講清楚
![](http://archive.hkgolden.com/faces/clown.gif)
:我唔係懷疑你講大話,你有冇講大話亦都唔重要,你講得岩,我唔應該成個腦都係男女愛情,無論你係咪真係同B一齊左,或者,你將來會唔會同我一齊都好,我淨係想同你周圍玩,因為我由細到大都冇玩伴冇朋友
![](http://archive.hkgolden.com/faces/wink.gif)
:大鋼砲,我喊了,你係呢個世上最明白我,我最信任既人
![](http://archive.hkgolden.com/faces/clown.gif)
:我知呀,所以呢排你成日話我變左,其實我好難受
![](http://archive.hkgolden.com/faces/wink.gif)
:我知道,好對唔住
![](http://archive.hkgolden.com/faces/clown.gif)
:咁你做咩事要喊呀?
![](http://archive.hkgolden.com/faces/wink.gif)
:我覺得我傷害左你,我好賤格
![](http://archive.hkgolden.com/faces/clown.gif)
:我冇事呀
![](http://archive.hkgolden.com/faces/wink.gif)
:總之,雖然我地關係有點玄妙,我唔會離開你,呢段關係一定比戀人Keep得更長久,以後都一齊玩一齊傾心事一齊講得我地兩個會笑既爛Gag一齊周圍去影相
![](http://archive.hkgolden.com/faces/clown.gif)
:好!
![](http://archive.hkgolden.com/faces/wink.gif)
:唔准再唔開心!快D訓
![](http://archive.hkgolden.com/faces/clown.gif)
:嗯,早抖
![](http://archive.hkgolden.com/faces/wink.gif)
:早抖,心裡好暖
呢一刻,我覺得好開心
起碼唔會失去左個知心朋友
其實我都唔知自己係真係釋懷定係自己呃自己…
跟住落黎果星期二同三我同M都出左去一邊做功課一邊玩
而M又變番以前寸寸貢咁
對於佢一時變得好軟弱、一時又變到寸柒柒咁
我已經覺得好辛苦
其實自從一個星期前MEGABOX果日之後我都冇真正咁開心過
只係為免佢唔開心我又要強顏歡笑
星期三果日我地一齊搭地鐵走
M話搭到去灣仔搵朋友,就叫我陪埋佢
傾下傾下,M又唔耐煩咁話
![](http://archive.hkgolden.com/faces/wink.gif)
:都話左我唔鍾意B、好憎佢囉,係咪要我親手殺左佢你先信呀?
話口未完,我地係油麻地轉港島既時候撞到B
M頭都唔轉咁同我講
![](http://archive.hkgolden.com/faces/wink.gif)
:我去搵B喇,Bye Bye!
就咁就標走左
果下我真係慶撚過火屎
頭先先叫我陪你去灣仔
半分鐘前你先話幾撚憎B
而家就一句ByeBye留低我一個係油麻地地鐵站?!
仆你個街!
冇計,我惟有自己搭車番屋企