原來……由始至終我都只係一隻 觀.音.兵: 17
星期六晚，M無端端話想搵工
：做乜無啦啦想搵工？ 
：我唔想再洗任何人既錢 ：你咁多朋友，你問一問一定大把人有得介紹 ：冇哂朋友，得番你一個 聽到佢咁講，我覺得好安慰
於是我就同佢一齊上勞工處個網度搵工
搵左好耐，呢份佢又話唔岩、果份又話唔岩
於是我話
：B一向係佢屋企舖頭幫手，你去搵佢，佢一定會請你架 呢個係我充滿真誠既提議，並唔係講晦氣說話
但係M話
：你又將我推比B，你咩意思 ：ER…我錯我錯，既然你唔想既，我地繼續搵囉 ：算啦我明白你意思 ：又點呀？ ：咩點呀，我搵工又關B咩事呀 ：我錯囉，咁我話繼續搵，你又話算啦算啦咁 隔左一陣，M打黎…
一開頭我地傾下D搵工既事
跟住唔記得左傾到乜野，M無端端打趣咁講左句
：咁我地呢世都做朋友囉 呢排咁多M既事煩擾我真係好累，再聽到佢咁講
我真係有少少心碎既講覺
：既然你咁講到……好呀 M聽到我咁講，然後用好灰心既語氣回應左我一句
：……嗯，原來你係咁諗既… ：M呀，呢排好多事令到我好困擾…你係MEGABOX講到好委屈咁，但係我所知道既野令我覺得，你冇你所講既咁委屈囉 ：你咩意思呀，我都話左我係迫不得已 ：如果你真係有咩難處既話，我一定會幫你幫到底，但係…如果你真係鍾意B既話，我會祝福你地… ：你講野好難聽呀大鋼砲，祝乜野褔呀 猶豫左好耐之後我終於直接問佢
：我有個朋友同我講，佢話係尖沙咀見到你同B拖住手行街 ：你都知果日係B強逼我出去，我都唔想架！只係拖手咋嘛，根本就唔代表D乜，拖手就代表我地拍拖？代表我鍾意佢？……(嗚咽)……你係MEGABOX明知我發生咩事你都要咁問，我覺得…你好冇良心好冷血囉 其實我聽得出佢係有少少夾硬Chok出黎扮喊，但係我最終都心軟
：真係好對唔住…係我誤會左你 ：點呀，你仲要派幾多人黎跟蹤我呀？ ：我邊有搵人跟蹤你呀？係我錯，我明知個事實係咁我都唔信你，好對唔住… ：係喇係喇我愛佢呀咁你滿意未？佢又靚仔係咪先？佢早兩日都係聖安德烈堂門口向我求婚啦，我應該仆倒咁應承佢啦係咪呀？ ：你開心就得… ：但係你唔開心囉兩日後，星期一，2月28日
下晝放學，我個心仲好亂，好多野煩
於是我自己一個出左街鳩行
四點幾行到十點幾
先去尖咀再落老銅再去灣仔再番尖咀
番到尖咀既時候竟然比我撞到個舊同學兼兄弟
佢睇得出我唔開心就陪左我去海傍吹風
於是我將我同M既故事講左比佢知
佢聽完之後話：「你唔係信佢呀嘛？佢擺到明當你係兵啦，唔好諗咁多啦，唔洗再理佢」
當我係兵？唔會掛…我從來都冇咁諗過
我個心開始動搖，唔通M真係講大話？真係當我係兵？
我說服唔到自己，我邊會咁蠢比佢玩左半年都唔知！
番到屋企已經兩點幾，訓唔著，百無聊賴，開電腦
相信你地唔難想像我當時既憔悴
On左MSN冇幾耐M就震我
：咁夜仲未訓？ ：係呀岩岩先番到屋企 ：去邊黎呀？ ：尖咀>老銅>灣仔>尖咀 ：搞咩去呢D地方？ ：周圍行下姐 ：無啦啦周圍行，唔開心？ ：少少啦 ：點解呀？ ：冇咩事丫其實 ：你D語氣話比我知，你唔想同我講野 ：邊係呀= = ：你以前好少用「= =」 ：你會唔會諗得太多呢 ：可能啦，我心機重呀嘛可？ ：我點知你心機重唔重 ：我仲想同你做朋友呀大鋼砲 ：我都想呀 ：唔好搞成咁啦大鋼砲 ：無端端做乜講埋D咁既野？ ：我地又岩傾又岩玩 ：我地不嬲都係好朋友黎架嘛係唔係？ ：我見你講野方式唔同哂，我好唔舒服，你知道好多野，我唔明點解會搞到呢個地步 ：我唔明你講乜，咩叫我知道好多野？ ：你就當我以前咩都係呃你，其實你咩都唔知 ：呃我…係咪即係其實你同B一早就一齊左 ：你覺得我係MEGABOX講大話？ 呢一刻我差D想講比佢知我偷睇佢MSN Record所知道既野，但係我忍住左
：唉你唔好迫我，總之我仲想同你做好朋友一齊玩一齊影相，難得我同你咁夾，係咪先？ ：我唔想咁樣，你有咩講清楚 ：我唔係懷疑你講大話，你有冇講大話亦都唔重要，你講得岩，我唔應該成個腦都係男女愛情，無論你係咪真係同B一齊左，或者，你將來會唔會同我一齊都好，我淨係想同你周圍玩，因為我由細到大都冇玩伴冇朋友 ：大鋼砲，我喊了，你係呢個世上最明白我，我最信任既人 ：我知呀，所以呢排你成日話我變左，其實我好難受 ：我知道，好對唔住 ：咁你做咩事要喊呀？ ：我覺得我傷害左你，我好賤格 ：我冇事呀 ：總之，雖然我地關係有點玄妙，我唔會離開你，呢段關係一定比戀人Keep得更長久，以後都一齊玩一齊傾心事一齊講得我地兩個會笑既爛Gag一齊周圍去影相 ：好！ ：唔准再唔開心！快D訓 ：嗯，早抖 ：早抖，心裡好暖 呢一刻，我覺得好開心
起碼唔會失去左個知心朋友
其實我都唔知自己係真係釋懷定係自己呃自己…
跟住落黎果星期二同三我同M都出左去一邊做功課一邊玩
而M又變番以前寸寸貢咁
對於佢一時變得好軟弱、一時又變到寸柒柒咁
我已經覺得好辛苦
其實自從一個星期前MEGABOX果日之後我都冇真正咁開心過
只係為免佢唔開心我又要強顏歡笑
星期三果日我地一齊搭地鐵走
M話搭到去灣仔搵朋友，就叫我陪埋佢
傾下傾下，M又唔耐煩咁話
：都話左我唔鍾意B、好憎佢囉，係咪要我親手殺左佢你先信呀？ 話口未完，我地係油麻地轉港島既時候撞到B
M頭都唔轉咁同我講
：我去搵B喇，Bye Bye！ 就咁就標走左
果下我真係慶撚過火屎
頭先先叫我陪你去灣仔
半分鐘前你先話幾撚憎B
而家就一句ByeBye留低我一個係油麻地地鐵站？！
仆你個街！
冇計，我惟有自己搭車番屋企