早兩日OT遲收工,女上司叫我上去佢屋企..: 35(完)

咁多年黎,
我都冇做過運動,
升降機有撚排,
於是我係四十幾樓跑樓梯跑落去,
 
好似當年咁跑,
跑得非常焦急,非常匆忙
跑到落去, 出左門口
 
我著住西裝,




不斷喘氣,
但只見人山人海,
已經唔見到佢
試問香港既金融中心,
要搵一個只係見過一面既MK妹, 又點會咁容易?
 
"喂, 搵我呀?"
 
我另轉頭一睇,
見到"Angela"正企係垃圾桶旁邊,食住煙,




我吸左啖氣, 問: 個蛋糕係邊個叫你俾我?
 
"Angela"忽然笑得好狡黠: 你估下?
我 : 你講!!! 講完點都得!!!
"Angela" 冷哼一聲 : 算你有心追落黎....如果唔係浪費哂某人既心機....哼..
我好耐未試過咁緊張, 一動不動咁望住佢.
 
"Angela"望住我咁緊張,似乎好享受我咁既表情, 笑左一笑: 但我而家去番工, 想知既,聽日再講.
 
咁同想知再講有咩分別姐...




 
我幾乎就想捉住佢質問, 但因為好多人望住,
一個大叔,同一個少女
所以我始終冇咁做,
我唔知有幾耐, 未試過低聲下氣, 非常誠懇咁: 求下你...而家講俾我知...
我久違地,再一次放低尊嚴,但今次,
係非常值得.
 
可能"Angela"俾我感動到, 佢啤左我一陣, 哼左一聲, 冇啦啦講左句: 唉~有‧事就晚‧上見啦.
聽到佢專登加重語氣,我呆左一呆,
"Angela"再睇一睇隻錶: 自己領悟啦下, 我走喇, 再唔走遲收工要OT.
 
"Angela"轉身就走, 我笑左一笑, 抹走眼角少少既濕潤, 忽然追上去, 同佢講:喂,邊個教你食煙架?
"Angela": 死老野...關你咩事姐...
我: 食乜都得 ,就係唔可以食煙...




"Angela": 你夠食雪茄啦...其身不正呀...
我: 大人食就得, 細路女食就唔得, 你...你阿媽冇教你咩?
"Angela"啤左我一眼 , 忽然笑道: 哼...想偷我雞?
 
我尷尬一笑,再不斷從旁敲擊, 追問落去,
但佢非常聰明 , 完全避過哂我既問題,
係人來人往既街道,
我同"Angela"並肩咁樣一路行,一路傾計,
好似番到當年一樣.
 
原來, 佢仲等緊我,
今次,唔係佢老公, 唔係佢主人,
而係我 ,阿冷.
 
【全文完】