早兩日OT遲收工,女上司叫我上去佢屋企..: 34

我坐係房,
望住咖啡,
冒出濃濃既香煙,
 
忽然間,
我想起Angela同Jenny,
當年既事,
歷歷在目,
唔知佢地而家過成點呢?
 




"喀喀"
 
秘書突然間敲門, 美麗既臉孔,一陣欲言又止,
我: 咩事?
秘書: 有個女仔搵你...
我不甘俾人打擾思緒, : 我而家唔得閒, 劉德華都唔撚見呀!!!
秘書喔左聲: 咁我同Angela講聲...
我 :咪住!!!!
 
我呆左一呆: 你講多次?




秘書一臉疑惑: 我話...我同Angela講聲...
 
我大聲: 叫佢入黎, 即刻!!!!!!
 
咖啡凍哂,
但我冇飲到,
手中既雪茄冒煙,
但我冇食到.
 
望住眼前呢個女仔,




一頭霧水,
完全唔明發生咩事.
 
呢一個"Angela",
係一個大概十五六歲既女仔,
一頭金色長髮,著住低胸熱褲, 咬住香口膠, 白白淨又串柒柒
係香港難得出品既一隻純種MK妹...
 
我壓抑住無比既失望, 客套咁微笑: 請問你有咩事呢?
 
"Angela"冇答我問題, 依然咬住香口膠, 四周咁打量, 完全冇理到我咁,
秘書拎咖啡俾佢飲, 佢唔該都冇句, 非常之冇家教.
 
我忍唔住: 阿小妹妹, 你係咪去錯地方呀? M記係隔離街.
"Angela" 啤左我一眼: 我唔係小妹妹.




我: 你唔係小妹妹唔通我係呀? 冇事既話唔該你離開.
"Angela"忽然冷笑左一下,好小聲咁: 你話過, 你唔會離開我..
我一時冇為意, 聽唔清楚 :咩話?
"Angela"嘖左一聲 :冇野呀, 有人叫我俾呢樣野你.
 
話畢,
佢突然拎左一個紙袋上黎, 我嚇左一跳,
隨即佢就轉身離開.
 
我喃喃自語: 唔撚係炸彈掛?...
我小心翼翼咁打開個袋,
入面係一個樸素既盒,
我慢慢打開,卻是一個蛋糕.
乜都冇寫,
非常普通,




非常簡陋.
 
我怔怔咁望住個蛋糕,
 
我大聲問秘書: 喂, 今日幾多號呀?
秘書係出面大聲回答.
 
我諗左諗.
忽然醒起,
咁多年黎,
我都唔記得,
今日...
係我既生日.
 
我二話不說, 即刻衝出去