早兩日OT遲收工,女上司叫我上去佢屋企..: 17

不過,見Angela之前, 我會見到Jenny先,
其實Jenny都唔錯, 佢雖然樣一般,
但高瘦過Angela, 又有長腿,
最重要係佢性格十分之好...
 
我之前都擔心過佢會係公司亂講野,
但呢幾日公司都好似好正常,
我諗, 佢可能唔想我太瘀, 因為太廢俾人拋棄, 先唔講...
 
九點抽住八盒飯, 去到公園, 已經見到Jenny同班露宿者有講有笑,好似好fd咁.


 
次次見到呢個情形,真係好奇怪,好唔真實
點解會有女仔, 係有人會咁善良?
諗番起佢讚我好心地, 我就會產生好強烈既內疚感,
欺騙一個咁既女仔, 好辛苦
 
我: 開飯喇開飯喇
班露宿者即刻狗衝過黎, 好快就派哂,
 
一如既往, 我同Jenny坐左係附近既櫈到,


一邊食佢整既飯盒, 一邊同佢吹下水
呢段時間, 唔知幾時開始變成我每日最期待既事.
 
Jenny健談又搞笑, 即使我講野on99, 佢都會接到落去,
我相信, 任何一個毒撚對住佢, 都會沉船.
 
"喂, 冷仔, 阿九佢話肚痛, 唔食喎."
 
傾傾下, 突然間有個露宿者拎住盒飯行過黎,
我呆左一呆 話: 咁...一係你地留番聽日食啦?


個露宿者突然笑得好開心 : 聽日星期六, 我地成班人去明哥到食飯呀~
 
我:咁呀... 咁dom左佢囉...
 
Jenny搶左盒飯: 唔得! 點可以浪費食物架!? 我有d肚餓 ,一係我食啦...
 
我大罵: 你聽日唔食咪留番後日食囉!
露宿者好尷尬, Jenny話 : 我同你寵壞左佢地啦, 佢地而家唔食隔幾日既菜架喇, 哼哼...
個露宿者嘻嘻一笑: 新鮮先夠健康嘛, 你話既!
 
我仲未講完, 佢: 咁唔阻你地兩小口溫馨啦~
就走左.
 
Jenny笑罵一聲, 但我就呆左,
一轉頭, 已經見到Jenny打開個飯盒,


匙羹忽起左舊肉....
 
舊肉慢慢咁樣去到Jenny個口,
呢一瞬間, 我掙扎得好緊要.
 
d露宿者雖然係垃圾, 但佢地食左咁多日都冇發覺到係人肉,
味道應該ok既 , 應該同牛肉豬肉, 好相近,
再撈埋d汁, Jenny食落都唔會發現...
 
但...當我諗到佢即將食人肉,
唔知點解我個心好唔安樂, 好內疚,
就算我肢解martin, 俾露宿者食人肉,
都未試過咁不安..