只在夢裡默許的愛: 感言

感言：




多謝睇到黎呢度既大家。雖然反應不佳，但我對呢個故事其實幾滿意。






本身我寫呢個故事其實係諗住走感動路線，最大路既發展，就係男主同返真瑜一齊，紗兒因為滿足願望而升天，之後佢地就生左個女，個女個樣酷似紗兒，之後就改佢個名叫紗兒云云……




係唔係好有既視感？






我作為一個作者，最鐘意就係寫出奇不意既劇情。所以，我就大膽嘗試，走狂氣風格，將自己代入做一個痴線佬，描寫到有幾狂得咁狂，最後，甚至在最終將翻盤，將故事一開頭既設定全部推翻，一切一切，都係男主角既妄想。一開頭既溫馨，就係為將來既絕望而鋪路，我諗岩岩開始睇故既各位，應該冇諗個故事會發展成咁，我個人係幾鐘意呢種反差。




為左呢個故事，我做左唔少心理學、藥理學同精神學既資料搜集，我想係呢度講下我既創作理念。






首先，如最終章所提及，人既心理有本我、自我同超我，而成個故入面男主角既內心交戰，就係由呢三種意識既衝突同變化所組成。當本我同超我受到壓抑，人既自我防衛機制就會發動，因為真瑜唔再完美，所以男主角塑造出紗兒呢個完美既化身，就係一例。




隨著故事劇情既發展，不如意既事態令到主角既情緒受到影響，最後導致無法挽回既局面，吸毒，亦都令男主迫進絕路。唔知大家有冇留意，吸左毒之後既男主角既內心描寫係更加自以為是，思路亦都變得混亂，因為佢已經分唔清真實同虛幻，只能活在佢自己既世界之中，佢後尾甚至不斷傷害二人，超我已經完全釋放。




不過其實我講咁多做乜，呢個，只係一個痴線佬FF故。