大象魚短暫的一生: 3

聽人講話當你就黎做好一樣野既時候，時間永遠好似過得慢啲。以前我都啊係好信，但係我而加既情況就係咁啦。唔知點解，我硬係覺得係隧道行咗好耐咁，由於個隧道入一無裝燈，我除咗前面出口既白光之外咩都睇唔到。而且個啊婆自從入咗隧道之後就無出過聲，如果唔係我仲feel到重量我以為佢消失咗添。
過咗唔知幾耐之後，我終於行出個隧道啦，我下意識第一時間放低背脊上面既啊婆再攤係地下抖順條氣先。過咗兩三分鐘個人舒服啲既時候就開始覺得奇怪啦，咦，個啊婆呢？由我入隧道個刻開始佢已經無講野，而且我放低佢既時候都無講過野，好似佢一開始就唔存在咁。
仆街啦，平時上網睇啲恐怖故都覺得無咩野，但係親身經歷既時候真係好那恐怖啊。算啦，唔發生都發生咗，睇定啲先。當我個人冷靜啲觀察周圍時先發現好唔妥，我好似去咗第二個世界咁。
同入隧道之前我所熟悉既地方完全唔同，明明啱個人仲係市區，但係而加就好似黎咗森林咁，而且啱啱通過既隧道口都唔見咗。四周圍都係啲草同堆樹，而且啲呢啲植物好似比我平時見開既植物大好多，最重要既係佢地聞落去無個啲青草味，反而似係啊婆身上面既糖果味，有啲怪怪地。
當我四周圍行下諗住睇下有無路返去既時候，我發現前面突然有條啡啡地色既路，周圍仲有好多棵大樹圍住，感覺上就好似平時個啲自然教育徑咁，接引緊你去一個地方咁。
雖然我真係勁唔想行呢條咁有可疑既路，但係我都搵唔到其他路行，咁唯有見步行步啦，船到橋頭自然直嘛。
當行上條路既時候，周圍既糖果味更加濃烈，條路既方向就好似行緊去糖果味散發既源頭，愈行入去，啲味就愈勁。但係奇就奇在我唔討厭呢陣味，而且仲幾好聞，搞到我都有啲懷疑我係咪上咗天堂。
行咗大概半個鐘到，條路終於行到盡頭，而我見唔到類似出口既野地方，反而見到童話故事書入面先會出現既野。
講你都唔信，頂你個肺，唔係親眼見到我都唔知原來糖果真係可以整間屋出黎，拍戲咩大佬？我想返屋企啊