【Ceci的故事】《越墮落越不快樂》: 十二
(十二)
八月中，Jupas都放左榜喇。我順利入到X大Fine Art，而嵐嵐都入到佢想讀既翻譯。但Apple就因為屋企問題，要去英國個邊讀。令佢放棄左原先係香港既Offer。
因為Apple要飛英國讀書既關係，呢一日，我同Apple、嵐嵐佢地番左去中學，諗住將我地笑過喊過既片段全部重新回憶一次... 將我同Alex既野，重新回憶一次，然後，就當做發左場夢，重新開始。
原來上堂時分，無人操場係咁舒服咁寧靜。
「咦，英姐！」行到校務處，英姐迎面行出黎
閒談之間知道，原來英姐做埋呢年就退休。六年喇，佢陪伴左我地六年，陪伴左呢間學校十幾年。
「老啦老啦，退休啦」英姐笑住咁講「黎啦，英姐請你地飲野」佢示意我地去小食部。
「我一陣過黎呀，我想自己行陣先」我對住佢地講，之後就向佢地既相反方向行。
「噠、噠、噠 —」我一步一步慢慢行上樓梯，好快就到二樓。
二樓既樓梯，係我同Alex相識既地方。
當日既畫面依然好清晰咁係腦海入面盤旋。如果當時我有睇路，我地係咪就唔會發生咁多野？
二樓Art room，我同余家偉係呢度講過啲咩，我做咩要勾引佢，我已經唔記得曬啦。但我依然好記得，Alex話過我認真個樣好吸引。
如果真係咁吸引，咁點解你唔鍾意我？
<4D>
班房空無一人，我望一望壁佈既時間表，依家係Bio堂，係lab上堂。
我行去自己以前既位坐低左，望出走廊。
年半喇，游灝謙，原來我一直咁鍾意你，鍾意左你一年幾，但我始終都係得唔到你。
係呀，我後悔喇，我真係後悔。只係，即使我後悔，都已經番唔到轉頭。
「滴 —」
如果第一次我就承認我係鍾意你，你會唔會或者可能有機會會俾個地位我？
未抱緊已想藉口又醞釀放手
我會放手架啦。
游灝謙，多謝你。
放不低還是應該放低
一個月後
「Ceci！聽日O camp喇喎」嵐嵐話。我同嵐嵐傾緊電話，無錯，聽日就係我O camp啦。
新學校新環境，我應該好快就可以忘記到Alex。
「係呀，點呀，你同Anson點呀」
「無呀，我地都無去O camp」嵐嵐話「有男女朋友是唔應該去O camp的，哈哈」
我笑左笑「你又岩喎」
「喂都一點喇，你快啲訓啦」
「好啦好啦，聽晚得閒既話再打俾你」
新既開始，加油呀，陳靜彤！大學生涯我一定要過得俾中學精彩！
一大早，我就去到集合地點，旺角地鐵站。一去到E出口就見到幾個同我一樣著住粉紅色tee既人係度等人咁，於是我就行左過去。
「喂hello靚女！」有個幾靚仔既男仔主動同我say hi，而佢隔離既女仔都笑住咁講「喂獸父唔係想yo組女呀？」之後佢轉過黎同我講「我係組媽我叫Angle，而佢就係組爸呀峰，你好呀」
「喔，我叫Ceci」
「咪住，等我估下先，你係... 睇下先... 呢個，李穎熙？」
「我唔係呀」我笑左一笑
「咁一定係陳靜... 」佢未講完，組爸就對住後面係咁揮手，我地下意識望去後面，當刻，我成個人呆左係度。
Alex... 呢個男仔... 好似Alex... 真係好似。
「你一定係藍嘉浩喇！」個男仔行到過黎，組爸就隨即咁講。
「係啊」佢托一托眼鏡，揚起嘴角
真係好似... 就連個笑容都好似...
原來故事現在才開始
「係呀」個男仔露出一個好charm既笑容「叫我嘉浩得啦」。我定左格咁望住佢。
「好喇我地仲差一個，你唔係李穎熙，姐係你叫陳靜彤？」組爸望一望份名單問我
「係呀」我即刻回神微微一笑。
「小熙話佢黎緊架啦，我地可以上去上面等佢」嘉浩望一望wtsapp，然後對住組爸講
「咁我地係朗豪坊等佢喇！」
我地一行八人就上左朗豪坊。
一路上組爸組媽同埋個個聽人講應該係OC既肥仔帶頭，佢地邊行邊拎住啲文件係度傾緊野；後面有兩個男仔係度傾緊計；再後面就有冬菇頭既女仔低頭玩緊wtsapp；而我同嗰個叫嘉浩既翻版Alex就自自然然行左係最後。
點解... 點解可以似到咁。企係佢隔離，就好似企係Alex隔離咁。
「哎呀！」可能我無心裝載，一個唔小心kick左一kick。
「妳有無事啊？」嘉浩係隔離即刻伸手扶一扶我。
「無、無事。唔該」我好緊張咁懶自然咁撥左下頭髮「係呢，你叫嘉浩呀？」
「係啊，大眾名，係街求其執到幾件」佢笑左笑
我都笑左出黎「邊係，嘉浩都唔算普遍啦」我抬高頭，第一次同佢對視「你好，我叫Ceci」
「喔... 你好呀，我班fd都係嗌我Ceci」
「我叫游灝謙，個個都叫我Alex。」
呢一瞬間，四周圍既人同物都好似停左咁，眼前呢一幕，恍惚同當日同Alex相遇既畫面重疊左。
我同嘉浩開始傾計。一路上到朗豪坊，就停低係度等剩底嗰個女仔。
「哈哈係呀，我讀Art架，乜唔似咩」
「睇唔出，我以為妳係英文系或者BBA個啲」
「你係咪又想講我個樣似鬼妹？」我笑左笑「我真係純正香港人」
「其一啦，同埋聽妳講野個音都幾偏向講開英文」
「因為讀國際學校架嘛」頂，up乜呀我，係鬼呀
「唔怪得啦」佢又拎電話出黎
「係喎，你識未黎個個女仔？」
「係啊，中同黎，識左好耐架啦」佢笑左笑
「小熙！呢邊啊！」嘉浩對住扶手電梯個邊揮左兩下手。我望一望，係同樣著住camp tee既女仔。條女望落幾可愛，有啲韓妹feel。
佢行左去嘉浩隔離望住我，唔知係咪因為佢一黎到就scan我，仲要遲到，我都只係機械式咁對佢點左下頭以示禮貌。
「好喇，終於齊曬6個組仔女喇！到我地啲組仔女介紹自己喇！」組媽Angel見齊人，就帶領住成個氣氛，而組爸同oc都即刻附和。
「我係啊朗，讀BBA Year 1」講野既係一個偽韓feel既男仔，同嗰個小熙都幾襯。
「Leo PE Year 1」另一個係個肌肉型既男仔，嗯... 我諗同余家偉差唔多咁啦。
「Ceci，Year 1 Art」 我簡單咁講
「Hi，我叫Rainbow，讀Environment year 1」呢個係嗰個冬菇頭女仔
「我同佢係中學同學黎，就唔洗自介喇」 嘉浩講完打左小熙一下，而小熙都好自然咁笑住打返佢手臂。
呢個情景，就好似Alex搭住Jessica膊頭，而Jessica好自然咁挨係Alex度咁。
都係... 咁自然。
「姐係妳鍾意我啦？」
「收皮啦，係咪咁唔知醜呀？」
「不過妳都係唔好鍾意我。唔好鍾意我，唔好愛上我」
我望住變左同小熙並肩而行既嘉浩。
我唔要再錯過，唔要再後悔。就算搶，都要搶到過黎。
「下，乜你地唔係情侶黎架」
「係囉，仲以為你地兩個咁sweet咁一齊入黎添」
我望住嘉浩同小熙
「我好姐妹先係嘉浩女朋友呀，我係黎睇實佢架咋」小熙話
唔係情侶，咁就更加易搞啦。
「點呀Ceci，O camp好無玩啊？」完左呢日既活動，我見得閒無咩野做就打俾嵐嵐吹水
「ok啦，無咩野」我一路拎啲衫出黎「都幾悶下其實。但啲人都唔錯既，ookk咁啦」我諗起嘉浩同埋小熙。
「咁咪好囉，喂快啲識番個男朋友啦」嵐嵐笑騎騎咁講「你咁索，啲仔一知你係Avaliable實狗衝你啦」
「威啦威啦，依家有拖拍係威啲架係咁串我」
「Ceci小熙，過唔過去隔離綠組房玩呀？有條組仔同個組爸極正！」個個Rainbow狂奔過黎好興奮咁同我同埋岩岩沖完涼既小熙講。
「快啲去玩啦，媾綠組組仔呀哈哈哈」嵐嵐又串我
收左線之後，我就諗住同Rainbow去隔離房。
「小熙呢，你唔去呀？」Rainbow問
「我吹埋頭先，你同Ceci去先啦」
我同Rainbow過到去，就見到佢所講個個好正既組仔同組爸。經過介紹之後，個個組仔叫浩然。唔知係咪我錯覺，我一行入去個陣去就已經不停望住我。
「妳粉紅組架？點叫妳呀」一坐低，個個浩然就自動坐左埋黎，咦望真啲，係幾靚仔喎。
Rainbow已經成個人飛左去組爸度。
「我叫Ceci」我露出笑容。
「妳咩系架」
「我Art呀」
「咦我同妳差唔多，我Design架」佢係咁借啲意掂我
Art同Design差唔多，咁既說話你都講得出，呢兩科有幾大差別你知唔知？居然咁樣侮辱我神聖既Art。
「哈哈，真係架，咁岩既」我扮曬野咁笑住講，同時都學佢咁挨下佢掂下佢。幾靚仔，咪當益你。
「吱～」
『今日好無玩呀o靚妹』
『都幾好呀』
『小心啲啊，唔好俾獸父食左』
『你就黎可以升呢做我老豆啦呀叔』其實望到呢個msg，講真，真係開心既。
「同男朋友報平安啊？」浩然係隔離問
想套我？「唔係呀，我無男朋友架」講完呢句，我更加主動將手臂貼住佢。
「咁靚女... 都無男朋友？」浩然都將隻手放左係我大脾，慢慢掃上去咁。
我撳住佢隻手「鹹濕呀你」我係佢耳仔邊細細聲咁講。
浩然好淫咁望住我，好似話俾我知佢食硬我咁。我都對住佢姣笑左一下，我係話佢知，我最多只會引到你頂唔順，但我絕對唔會俾你上。
同Alex既最後一次之後，我無再同其他人上過床。我仲會黎引下你係因為我自豪我既吸引力，但我唔會再俾你班賤男上。
除左... 藍嘉浩。