《台灣個表妹嚟咗我屋企住》【完】: (六十六)失戀太少

我拎住一本書，一邊踱步回家，一邊戴上耳筒聽歌。

每當我好唔開心嘅時候，就會聽歌嚟釋放下情緒。

而今次，我專登聽住呢首陳奕迅嘅《失戀太少》。

https://www.youtube.com/watch?v=vIlVKCp1lmE

美好的　沉澱了
沒有火花不要燒

愛過的　成熟了
犯錯只因失戀太少
要每一根火柴　全為這一刻燃燒
就當普天之下情人節只得　數秒

人哋話失戀聽失戀歌會更加頹係真的。

聽下聽下，我終於忍唔住喊咗出嚟⋯⋯

成個心好似撼動咗幾下，只覺好痛好痛⋯⋯





我摸摸自己嘅心口，先發現衣服嘅心口位置濕咗⋯⋯

原來呢個晚上，至少有兩個傷心落寞嘅人。