《台灣個表妹嚟咗我屋企住》【完】: (六十四)交疊嘅味道

「你仲係鍾意食西米露？」

「嗯⋯咁你呢？紫米露呀嘛！我記得㗎。」

「原來你仲記得我鍾意食咩⋯⋯」呢一句說話，我哋咁啱異口同聲咁講。

「哈哈⋯⋯」

嗰一晚，我哋一邊食住糖水，一邊傾下閒計。





我變返一碗紫米露，而阿琪就變返一碗西米露。

兩碗不同嘅糖水，不同嘅味道竟在嗰一刻交疊得到。

縱使兩種味道混和一齊之後，已經再唔係原本純真嘅我倆。

但仍然喺分手後可以講得到嘢，傾得到計，亦算係緣份⋯⋯

講返起身邊一啲朋友嘅事情，呢兩年大家經歷咗啲咩，發生啲咩事，我卻忽然心中淌淚。





也許係因為遺憾太多，疑問太多，解唔開嘅心結又有太多。

眼前嘅阿琪明明傷害得我好深，偏偏我又可以好似原諒阿榮咁，好輕鬆就原諒咗佢，到底係我份人太容易心軟？定係我唔想再搵嘢束縛住自己，寧願睇開啲？

呢樣嘢我唔知道，但我就想知道另一樣嘢⋯⋯

一條呢兩年嚟只有佢先解答到我嘅問題。

「阿琪⋯⋯可能咁問你有啲唐突，但我真係想知嗰陣點解你要同我分手？你明明⋯⋯」





「阿星⋯」阿琪打斷咗我嘅說話。「不如你陪我去搭車，一邊行一邊話你知啦⋯⋯」