《台灣個表妹嚟咗我屋企住》【完】: (四十二)諗返起

同表妹傾下傾下，變咗傾感情嘢，我先發覺表妹對於愛情真係一個好靦腆嘅人。

佢話佢都有暗戀嘅男仔，不過因為暗得滯，暗到可能連對方都唔識佢，而且同個男仔只係見過一次面。

但我都不禁懷疑好似佢咁靚嘅女仔，身邊唔會連一隻兵都冇啩？不是男朋友，卻畀男朋友更重要的人，我估佢身邊都應該大把啦。

言而聽佢講，佢的確係有好多追求者同埋狗公，但佢全部都睇唔上眼。

令到依家同佢食緊糖水嘅我都添咗幾分自豪感。



呢段時光唔需要特別珍惜，因為我同小南唔需要送別對方，反正大家都係返去同一個地方，但後來幾我先知道原來應該珍惜嘅係跟住落嚟嘅時光。

其實碗糖水一早已經食晒，只不過我哋係傾計傾到糖水舖閂門先至返屋企。

因為講返起阿琪，令我諗起同佢好多往事。

諗返起我點追佢⋯⋯

諗返起我點同佢表白⋯⋯



諗返起同佢拍拖嘅點滴⋯⋯

點知真係一講曹操曹操就到。

返到屋企之後，手機震咗一震，嗰陣已經係凌晨一點，當時我仲以為係阿榮搵我，想知道我對女教師嘅授課內容有咩意見，點知唔係喎⋯⋯

手機send嚟嘅訊息，又係一個熟悉而陌生嘅人。

「好耐冇見，我近排返咗嚟香港，想見下你。」



係阿琪send嚟⋯⋯