《台灣個表妹嚟咗我屋企住》【完】: (三十七)最佳損友

我拎住手上個位女教師，喺行返屋企嘅路上，諗返起同阿榮咁多年嘅友情，雖然因爲一啲往事，令我自以爲無法修補呢份友誼，但最後其實各自行出一步，選擇一條令大家都舒服啲嘅路，根本就唔使搞到咁複雜。

我又諗返起一隻歌，一隻以前唔會成日聽，但係到咗自己長大之後，當發現身邊嘅朋友越嚟越少嘅時候，就會不自覺地狂loop⋯⋯

https://www.youtube.com/watch?v=P7ww9Lgk16I

朋友我當你一秒朋友
朋友我當你一世朋友
奇怪過去再不堪回首
懷緬時時其實還有





因為同一班，所以先認識你。

朋友你試過將我營救
朋友你試過把我批鬥
無法再與你交心聯手
畢竟難得有過最佳損友

因為大家都咁鹹濕，所以先傾到計。





從前共你促膝把酒傾通宵都不夠
我有痛快過你有沒有
很多東西今生只可給你
保守至到永久
別人如何明白透
實實在在踏入過我宇宙
即使相處到有個裂口
命運決定了以後再沒法聚頭
但說過去卻那樣厚





明明我哋一直都咁老友，點解嗰陣會變成咁？

問我有沒有
確實也沒有一直躲避的藉口
非甚麼大仇
為何舊知己在最後變不到老友

只不過係一件好小嘅事，點解最後仲要搞到絕埋交？

不知你是我敵友
已沒法望透
被推著走跟著生活流
來年陌生的是昨日最親的某某

諗返起嗰陣，因為自己失咗戀成年仲未放得低，而阿榮同軒少經常嚟開解，當時嘅我唔領情之餘，仲對阿榮講咗啲好難聽嘅說話。





而阿榮一怒之下亦向我講返啲好難聽嘅說話，跟住仲演變成大打出手。

「收爹啦仆街！講撚夠未呀？」

「未呀！我話你係戇鳩仔呀！」

「我畀女飛，好過你連表白都衰撚埋啦！」

「你講乜撚嘢呀？屌你老母！」

「打鳩我？絕交啦屌你！」

可能嗰陣我真係太幼稚，連情緒都唔識控制，先撩者賤，所以話唔可以將所有錯都推哂畀阿榮，其實我都有錯。





其實我同阿榮本來就係好朋友，依家可以變返以前咁，我估都算係解開咗我一個心結。

雖然只不過係我其中一個心結⋯⋯

返到屋企，我就打算立即收埋個位女教師，因為怕畀表妹發現，但一打開門，就見到有隻Hello Kitty喺我屋企走嚟走去⋯⋯