五千天的小確幸: 堅蚊地

堅蚊地

近來社會流行食素，我間中都齋返日，儘可能星期一添，多選擇丫嘛Green Monday。

拖住咪出去食素比較麻煩，一來要卑佢坐得低既地方少，再來要咪食菜難上加難，系人地素食地方同咪開食肉大會成日卑人眼睥睥丫，瘀。

平日給豬隊友們煮飯，加點肉加點紅蘿白，一定大受歡迎，又好看又好食，甜甜地一個個笑口噬噬地風捲殘雲，食個鑊底朝天。蒸熟個南瓜撈一下，又香又滑、西蘭花切碎炒牛肉飯，鐵質補血、煲完湯既淮山豬踭，補氣又強筋骨、想飽肚D時上菜前拌點燕麥，仲可以預防心臟病，我這個大廚花款多的是。能為他們煮個好飯，是我的快樂事，小確幸的其中一種。





咪就麻煩多了，專挑飯裡肉吃，留下菜跟飯，吃不下時仲會找個安全地點藏起好肉，惹得一屋曱甴，嬲得我。張良計唯有把菜再切碎點混入飯內，再加點魚精最愛：魚仔乾，乖乖不得了，又肥幾磅，唉。

最乖是豬，她真的是愛食菜跟生果。菜心、紅蘿白、番茄、番薯、節瓜、南瓜、豆腐、米飯、公仔面，唔開胃時飲小小橙汁，或者磨蘋果蓉，開胃時捧住個紅米飯波波，一口滋味慢慢咬，瞇著眼吞下去，人仔細細可以食半張臉的飯量，你得無？