五千天的小確幸: 老虎仔

老虎仔

因為搬倉的關系，間接又接收多三隻小朋友，又多名三個豬隊友啦。其中最搶眼一名隊友，肯定系呢條老虎仔，有樣睇架，個樣善良到呢……

有名你叫，老虎唔通食齋咩，聽講之前已做低過兩件…狗狗…人都…傷…過一件…戰績彪炳…傳聞既野，我地都系小心D好：你的外表如何，你的生命也必如何。

但系相處落佢好似好鍾意人，好相信人，玩幾下就四腳朝天，扭身扭勢系甘用背脊磨地，打出個肚腩叫人摸叫人猜，講真我都仲未敢去甘盡，不過同佢跑下都幾爽，老虎陪跑喎，幾威。





聽講佢系有日系倉門口徘徊，阿姐見佢瘦弱(？！)先執返來，本來倉裡面既大佬就自動讓位，而家仲比初初大左個碼添，怕且系太大食食窮本來果家人卦。我地出名好伙食真系招來好多自來狗架，唔富唔得。

要發生既事始終要發生：有日我摸黑仔個身摸到一執執硬塊，開頭我仲以為佢又玩泥玩屎，一邊打佢個頭一邊梳開D泥，直至佢嘿嘿叫痛我先覺唔妥。睇真D系血黐住D毛結成一塊魂，毛底有幾個半月型血牙印，仲唔系打架？但系黑仔搬左倉之後無得自己出去玩丫，衰弟同肥婆又當佢系大佬從無以下犯上過。同老虎仔地又特登分開住又分開時間放風，再耐D熟D先算架，點解呢？放心不下過去虎倉及及，靜英英只見前大佬懶洋洋系門口擺尾，叫幾聲老鼠都唔見，之後有事就不了了知了。

過兩日返去時岩岩好天碰到阿姐同黑仔地放風，阿姐人好，很溫柔地幫黑仔梳毛按摩，班衰狗見我返一定洶湧而至既，阿姐跟住埋黎笑笑口同我講衰仔點曳，肥婆點肥，黑仔點乖，點有大佬風範，果然…有D野過左幾日先敢同我講…黑虎大戰…兩敗俱傷。

老虎仔竟然仲傷？！成塊面腫左，雙眼流曬眼淚結曬眼屎，唔怪得我叫極都唔浦頭啦，甘瘀！果日有人閘關得唔好，首次相遇，黑仔為左保護朋友單挑老虎仔，衰仔肥婆縮曬系後面觀戰，好彩阿姐有地位叫得停，我齋聽都出成身冷汗。

唔敢講老虎仔真流定揸流攤，但黑仔果股勇氣真系無比厲害，對住大自己兩個碼都毫無懼色，我呢個老大真系行埋一邊，抵阿姐真心愛錫佢既，日日又洗傷口又梳毛又有罐頭食。





老虎仔，但願你真系善良之虎，同其他豬隊友和睦相處，如果唔系，黑仔會保護我地架，自己小心，哈。