五千天的小確幸: 能量治療

能量治療

我上兩個週末去左學寵物能量治療，不過就無得帶咪或其他小朋友去，齋吹，最多扮治療隔離位個同學仔隻手，療完系咪皮膚靚左。

以前我好憎果Ｄ動物傳心師，成日攞張相就話點點點：隻狗好孤獨，肚仔唔舒服，正一死騙子神棍。自從豬走之後，我開始改變諗法。我當然無去問米招魂睇三世書，但系對小朋友們既溝通方法有新既想法。有個韓國治療師彗星，也是因為愛貓走了半途出家，去了日本同美國學習正規既靈氣治療(REKI)，不只人對人，人對動物都有。唔同我地果Ｄ仲成日有人招搖撞騙，教壞細路。

理論話我們身上有幾個大穴，好似頭頂手心，正常不斷都有能量外洩，新陳代謝，如果能好好利用則可以救己救人。問題是點樣能放能收，同放系對方什麼地方，什麼反應。我學左兩日，大概只系知道心肝脾肺腎既位置，同頸兩邊大動脈。只要張手心按住患處，能量就會源源不絕送出，有病醫病，無病強身。





回家捉住咪實習，走來走去總不能完成。諗住放棄時忽然見到豬笑咪咪的照片旁彗星的書，她經常說治療的能量來源就是主人對小朋友的愛和動物對主人的回饋。噢咪，豬在看我們呢，當下趕緊收起心神重複深呼吸，手心竟然真的緩緩暖和起來。晚上秋風翻起，本奴才當起人肉暖爐，咪馬上也老實不客氣反個肚皮，乖乖享受個治療，打呼嚕睡昏了。

成功了？！