五千天的小確幸: 狗狗愛的表現

狗狗愛的表現

雖然我男人老狗一個，但有時仲女人過D女人，我會呷小狗們既醋，介意佢地親其他人過親我，同人地玩得好開心，詐人嬌，搲野食。

不過我心底裡好清楚，全部小朋友最愛果個一定都是我。唔同既人系佢地眼中有唔同角色，有人負責開飯，有人做阿四，而我就系佢地既首領。

咪收到好野食時，除左會笨拙地以為收埋好之後，有時仲會上繳黎孝敬我，笑口噬噬睇我食，真系唔知好嬲定好笑。





狗狗除左用送禮黎表達愛意，仲有時好多五花八門來吸引大人同奴才們的注意：

除了吃拉睡之外，他們最重要的就是玩了。玩追玩逃玩跳高，咪就最中意咬住心愛玩具硬塞給我，非要搞到我一手口水一褲濕透不罷休。玩到興起(詐嬌/賴死/行雷)仲會成隻牛龜甘大跳上我大脾，幾乎斷。

弟最愛就是用我來磨牙，平時檯檯櫈櫈固然難逃一劫，我的手手腳腳也是無一塊好肉，最得意是他凌空一招，剛剛好飛身咬住我褲袋扭扯著走路，一邊行一邊嘿，害我報銷了好幾條褲子。

狗狗吃飽了十隻九隻都挨身挨勢，唔系反轉肚腩就是屁股朝天(洛威拿肥黑妹會用頭頂摩擦我跨下，兇神惡煞甘樣咪話唔驚)，叫我等奴才自動獻身，按摩得他們舒舒服服，响起鼻鼾方可退下，有時真不知道是誰愛誰。

最含蓄的豬也不示弱，只要她能爬得到的她就能親到，舔呀舔我一臉一頸，氣都不讓我透過去，舔累了就在我身上腳上睡，把全世界最可愛的下巴擱在我腿上打呼，累我ㄧ夜都不能動ㄧ下，唉，奴才的命。






在這個世上能愛你超過愛自己的，除了狗之外，別無他物。 --- 喬許•畢林斯