浮事的，第二個的士佬既故事。: ？？？？

不知昏迷了多久，梓風終於徐徐地醒過來。

他睡在沙發上，沒有被捆綁。

眼前有已穿起衣服的TIFFANY，和一名男人。

「醒啦？的士梓風。」男人說道，低沈的聲音。

梓風張眼望望四周。





陌生的環境

「你地想點？」梓風問。

「我地想點？你地想點至真下話？我約你去化淡廠傾野，你就帶晒架生去，啡到我班兄弟傷晒。」男人回應道。

「約我？你地邊到鄉下架？鐘意叫綁架做約會架？」風說。

「綁架？」男人疑惑地問，望向TIFFANY。





「係.....係DICKSON話反正大佬你要約佢出黎，不如做場戲屈佢地五十萬現金當祭下NATHAN.....唔關我事架，我被迫架。」TIFFANY慌張地說。

「祭NATHAN？係人都知你地兩個當年假結婚呃人情拎去找卡數架啦，咁既借口都仲講得出，都總算抵佢而家訓係醫院。」男人說。
「老實D，NATHAN跳樓，要你頂晒佢條街數，所以你先同DICKSON夾計屈幾廿萬返黎姐，下話。」

「......」TIFFANY。

「你都算八婆啦，我講好左呢單野搞掂之後我會幫你還晒條數去架啦，叫你地好聲好氣去請呀風哥黎見我，結果你地竟然想「一雞兩味」！仆你個街丫！！」男人說完，一巴一巴地掌摑著TIFFANY。

總共摑了十四巴。





「梓風哥，多謝晒你同你班手足幫我教訓下班仆街，辛苦晒。」男人向風伸手

風輕輕握了一握，不明所以地道：「哦.....哦，唔洗客氣。」