浮事的，第二個的士佬既故事。: 暴走３

翌日

「要咩？」ALEX問，WAR GAME槍專賣店的老闆。

「拉閘啦力士，我要你倉尾D野。」大細B二人同聲說道。

他們是傳說中擁有心電感應的雙胞胎。

「嘩....幾廿歲仲玩D咁既野？而家比人捉到你地要入去坐架啦喎。」ALEX說





「無計，江湖救急。唔要普通野，要勁既，入肉果隻。」大B說。

「......幾多？」ALEX嗅到了不對勁的味道，語氣也認真起來。

「四長四短，萬五飛，彈匣我地自己有，最好有兩三粒煙彈。」細B說。

「有無信心還槍返黎？」ALEX擔心地問。

「係海水化淡廠打，你話呢？」大細B笑著說。





「哦......咁得啦，收你地彈藥錢算啦咁，萬五飛大鋼珠，收你地1蚊粒算啦。煙彈送比你地，玩得開心D。」ALEX說

「THANK YOU晒你力士」大細B說。

「拎完小心比差佬周到，衰硬架。呢堆長火差唔多4焦耳，短火都成2.5焦，落埋鋼珠直頭同真槍無分別，記得唔好搞出人命。」ALEX告誡他們。

「得啦，出左事既話我走佬之前會叫人過返條大尾數比你。」大B說。

「唉....錢事少，識左你地咁多年......總之你地執生啦。今日無見過你地。」ALEX說