浮事的，第二個的士佬既故事。: 暴走開始

曲終，人散。

熱鬧的咖啡店轉為沉寂。

沒有酒，但大家都醉了。

「恭喜晒你地，終於，終於你地都可以係返埋一齊！」HAPPY興奮地說道，眼中好像有點淚光。

「梓風，過左咁多年，你真係仲願意娶我呢個咁麻煩既女人？」小恩問。





「嗯，我願意。」累極了的梓風回應道，並拿出電話來把玩。

「TIFFANY？仆街啦，我完全唔記得左佢添！」風想，立即撥打電話予她。「唔好又一個跳呀大佬.....」

「喂，的士梓風，終於打返黎啦下話？」一道粗獷的男聲接聽。

「你係邊個？TIFFANY呢?」風問。

小恩看到梓風擔憂的樣子，用詢問的眼神望向HAPPY。





「TIFFANY......係佢一個好朋友黎，岩岩死左老公，空姐黎既」HAPPY簡短地說道。

「拿，你聽住，呢個電話唔可以有其他人聽到。」話筒對面的低沉男聲續說。

「得，無問題。」風回應道，然後把電話的SPEAKER打開，讓HAPPY和小恩都得聽到對話內容，並把手指放在咀邊，示意兩人要安靜。

「首先，我係NATHAN既大哥，親大哥。」低沉男聲說：「我細路死左，因為個死八婆而死，所以我好傷心。於是，我就搵齊班兄弟，去搵個八婆。」

「我地上到佢屋企，佢竟然唔開門。於是，我地就爆門入去捉走左佢。然後，比我係佢部手機度見到佢竟然打左十幾個電話比你，相信係打比你求救啦。」





「所以我推斷，如無意外，你就係果個同佢夾份迫死我細路既奸夫啦下話，岩嘛？」

「.......你當我係丫，你想點？」風說，手指在頭上轉圈，大抵是說對方可能是個神經病。

「三個鐘頭之後，拎三百萬去屯門舊海水化淡廠度比我，一手交一手，你交錢我交人。當然，唔可以報警。」低沉男聲說。

「.......你執到部電話就比返人啦，死痴線佬，我IP都唔洗CHECK就叫差佬黎找你個仆街去打靶啦。三百萬喎，三舊水都唔會比你啦，我全家都好幸福架。」風說

「你唔信？」低沉男聲問。

「我唔信。」風回道

「救....救命呀風，佢真係痴線架......」話筒傳來TIFFANY虛弱的聲音

「......你堅架？」風訝異地說





「我堅架。我死左個細路，其實都生無可戀。作為一個專業黑社會，我又唔會怕坐監。所以一陣千其唔好比我見到有一個差佬，只要有一個差佬黎，我都會隊死個八婆。」

「記住，我無野好怕架啦，所以唔好諗住玩野。乖乖地拎三百粒黎比呀叔玩下，唔好搞事。」

「四個鐘後！！比多粒鐘我，咁大舊錢，而家又咁夜，比多少少時間我。」風說。

「你講得岩，而家咁夜。我比夠12個鐘你，聽晚凌晨一點。」低沉男聲說。

掛線了。