《米米蓮的100個揭尾故合集》: 《看更》謎面

《看更》

謎面：

我晚晚都要OT架 前個排放工我幾傻呀

晚晚一個係部lift度 唱歌跳舞

我當然講緊放工走個陣啦 你當我傻架咩





部lift夠晒闊 我伸直對手轉個圈都點唔到牆

因為近排識左個男仔 我好開心 所以就成日唱

「我等著你回來 我等著你回來～」

直到呢幾晚 有個新看更黎左

每晚入lift都見到佢 每次都對笑一下我就背住佢





「陳小姐 係你呀 你跳舞好好睇呀」

我覺得好尷尬所以冇正視過佢

「係呀 係呀」 我咁答

第二晚 「陳小姐 咁岩呀 又見到你」

「係呀 係呀」





第三晚 「陳小姐 今晚又OT呀?」

「係呀 係呀」

之後朝早返工見到佢

「唔好意思呀 成日唔望住你應你 你叫咩名呀？」

佢望住我笑 「阿明呀」另一個看更幫口回應 之後我去查左d野

再之後我就再冇返過呢邊office喇

(完)