《米米蓮的100個揭尾故合集》: 《陰陽眼遊戲》 謎底

《陰陽眼遊戲》

謎底：

必要假設︰世上有鬼存在 及 通靈大師朱九戰真係有通靈能力，講既都係真話
推理重點：
(1) 大師︰「兩位參賽者都真係有陰陽眼…都好唔誠實…我只係請左三位「朋友」上黎，但係佢地形容左五位出黎，而現場係有四個「朋友」係度。」
(2) 大師︰「你咁多野講，我頭先係你講緊野，已經請左佢地上黎幫手喇。」…大師點點頭，似係覺得佢地都講得岩咁。
(3) 參賽者A︰「仲有，仲有，隔離又有一隻，眼口鼻D位置都亂放係塊面度既…」…大師冇點頭，但之後行出黎叫暫停…
(4) 主持︰「相方需要將大師請上黎既鬼魂形容出黎俾觀眾聽，形容得越似越好越得人驚，就係今晚既贏家…




(5) 今日有個朋友約左我去一個由電視台舉辦既遊戲節目度做現場觀眾，我朋友未到，不過佢一早俾左張飛我…
(6) 最後一句︰大師之後攞左部聲稱係靈界錄影機出黎，係大屏幕播返出黎，睇到觀眾們都啞口無言，反而我唔係好驚，不過睇到一幕，我真係呆左，淨係感覺到毛管都棟起晒。

比賽一開始 大師真係將兩隻鬼魂請左上黎空位度 參賽者A同參賽者B都好正常咁用陰陽眼將自己所見講出黎
但係比賽目的係要觀眾聽之後覺得驚 越得人驚既先會係贏家 所以後期參賽者A同參賽者B都開始講大話 老作鬼魂外貌黎嚇觀眾
其實當時大師只係請左兩隻鬼上黎 大師不滿 再請第三鬼上黎台中間 要求兩個參賽者形容一下呢隻鬼
點知一個話隻鬼塊面熔緊 成身青色 一個話皮光肉滑 同人一模一樣 仲幾靚添 其實佢地都冇錯 原因係隻鬼兩邊身都唔同樣 一邊毀容一邊正常人
故事到尾 靈界錄影機中發現 原來當時現場唔止大師請既三隻鬼 仲有一隻 咁佢係邊個呢？
冇錯 就係主角既朋友 原來朋友喺黎現場嗰陣 交通意外死左 而自己唔知 鬼魂到左現場
「打冷震」係因為主角自己先會留意到隔離個空位 其他觀眾唔會留意到 主角好傷心 欲哭無淚





或者另一個版本 其實主角既朋友 係俾主角自己殺死左 而依家朋友個鬼魂纏住佢

(完)