羽夜（完）: 33

「邢小姐，請。」

他們把我帶到一間名人會所的桌球室，門外有兩名西裝朋友，先要搜我們身。

「郭老闆，有炮。」他們在豹女袋中看見槍械。

「郭uncle,我頭先去完我朋友度，係佢送既~一係我叫佢地喺出面等我？」我很客氣地主動喊進去。

「嗯。」聽到這句，然後就是pot波入袋的聲音。我單獨走進去，郭萬軍一人在打英式桌球，門關上了。





「郭老闆。」我很尷尬地叫了聲。

對住自己條女個老竇，我真係唔知講乜好，仲要唔係普通人而係霸氣既有錢佬，個楊老闆硬係唔同class，即使佢冇楊老闆甘富貴。其他人有事，點都實搵我地行家幫拖，唯獨係佢清清白白卻又迄立不倒。

「同我篤番場波。」他指著那邊的cue，我不敢亂說話，立刻拿起cue。「砌波啦。」他邊弄邊對我說，我不敢怠慢。我真的很想叫他不如直接說，亦不要令雯宣難做，但我不敢說。

他讓我先開始，我穩守為攻，把白球貼回底cool。「睇黎我真正遇到對手喇~」他臉露笑容，令我更擔心，腦海一直在盤算著。他亦穩守為攻，白球回到接近黄球位置，卻被我發現了一條私家路，亦攻亦守地紅黑紅藍紅黑地打著……只要我打失這球，枱面上的球便足以令他反勝我五度。我刻意装撻Q，說:「睇黎呢局係郭uncle既天下喇~」

他一靠桌便毫不留意，我微笑著。「你知嘛邢小姐……」枱上剩下四球時，他忽然邊打邊開口:「我睇邢小姐係個聰明人，識審時度勢……」我暗忖他會說什麼。「呢枱波有咩吸引倒你你心裡有數，機會唔係人人識睇……」剩下一個球。「你想要咩？」說到尾，還想用錢洗走我。





「我想你真正、平心靜氣咁去了解佢。」我站了起來，往門口方向走。

「大小姐你唔入得去架……」忽然門開了，雯宣闖了進來更喊著:「郭萬軍……」忽然看見我，立刻什麼也呆住了:「羽希？」忽然很無奈又生氣地對他父親說:「你搵羽希黎做咩？叫佢離開我牙？」他一直沒有把最後的黑柴pot入袋。

「我睇邢小姐都係好怕我。今局當和，我地堂堂正正打一場，好冇？」郭老闆這樣說。雯宣與我對望了一會，我回個頭:「如果係簡單打一場，我絕對唔介意。」「好。」雯宣很想知道什麼回事了，但我們也沉默了。我和他以誰較貼cool先開始，他先開球，且一來便猛攻不留手。

雯宣坐在我身旁:「羽希，我阿爸有冇為難你啊？」我只是微笑，她主動牽著我手，靠著我的臂胳。郭老闆打失了一個黑柴，我才能「埋枱」。我打得差不多清枱時，他走過來。

「米住~」他喊停我:「雯宣你過黎。」我暗忖著他想干什麼。「你坐上去。」他為雯宣放了個我一出cue必定會打到她的姿勢，再說:「你pot入呢個藍波我就唔反對你地一齊。」雯宣立刻望向我:「羽希，快d打啦！」





我把cue扔開，爽快地說:「如果要我傷害雯宣去得到你認同，甘我唔洗你既唔反對。」雯宣咬著唇，含著笑撲到我身上，樹熊般擁著我，嬌爹又溫柔地望向我說:「邢羽希……你好型呀……」我抱着他，陶醉在她柔情的讚美中。

「我仲有會要開，走先。」但見郭老闆冷冷地走了。

我和雯宣仍在對望著，仿佛置世界於不顧。我把她抱到沙發去，深情地烘近她:「依家冇人可以阻住我地喇……」我慢慢靠向她，吻向她薄又甜美的唇片…………