羽夜（完）: 32

我一踏出地面，立刻有一人上前。

「希少，呢邊請。」

他帶我到小巷一間賣war game用品的樓上鋪。轉入店內的走廊，拐進男廁，打開男廁內清潔房門。門內有門，亦有三人在把守。他們搜了搜豹女和博士的身便開門。房間深又闊，楊領豪就在裡面，全房間充斥著槍械和軍火。我暗忖著他果然擁有個秘密軍火走私集團。

「希少，唔知甘樣夠唔夠誠意呢？」他自信地笑，又直言：「希少既羽夜至少係我果兩兩個集團既一倍有多，連金三角你都有話事權，我自問未夠本事。」

「你都好大食喎？」我直言：「不過你有信心我地會互有得著既話，我多多都食得落~」他的家產估值三百多億港元，但計上這集團，應該多幾十億港元。他的集團不算太國際化，因為他之上的富豪業務都比他厲害。至於我們羽夜，是華人社會第一大幫，商人名人一出事幾乎也找我們，不擔心沒有金主沒有油水。





「有希少呢句，夠晒。」他果然是個野心家。「希少要d咩，可以任揀，就當係見面禮。」

「哈哈~甘客氣呀？」我四處觀賞，手槍、步槍、追擊槍、手榴彈，還有氣油彈。「有冇SIG-Sauer P250DCc?」我邊拿起了一支東南亞未見過的半自動手槍邊問。

「重案、O記、反黑既專用槍，希少你有興趣？」他命人爬梯在遠方拿了一支現貨來，走近並遞給我。他見我對那支東南亞從未見過的半自動手槍情有獨鍾，便解說:「希少識貨，呢款叫GSh-18，俄佬既專用槍，只系得17份部件。我想再要貨都冇，因為得敍利亞d人會喺黑市賣佢而且唔會賣多，俄佬只會自用。」

我忽然看到正上方有把全金色的手槍。我擱下手上兩把槍，把它拿下。「Mark XIX你都有……」我打量著這把重量級的沙漠之鷹。

「希少真系比我想像中仲厲害。呢把Mark XIX系 .44口徑既，但穿透力同 .5一樣。淨重3.63磅，8發子彈。我地仲擺左支.5 全黑出黎。」他對槍械的知識也比我想像中多，而且他門路並不窄。





「我小學其中一個玩意，就係同老竇玩拆槍砌槍。睇黎呢d靚槍你完全唔缺~」

「你睇中既呢三支我連埋上彈器送比你啦。」

「甘我唔同你客氣喇楊老闆~」

「老闆，四十五分鐘你有個會要開。」他近身秘書說。

「希少我趕時間，或者我約你再傾？」





「當然~今日開左眼界。」

「見笑喇~甘我走先。」

「慢行。」……

「希少，佢既存貨都係靚野。」博士滿意地說。

「博士~你d暗器技術要練好d教埋我喇，萬一我地比人明刀明槍，都冇死呀嘛！」我說著笑，他也笑說:「絕對ok！」

「你係邢羽希？」忽然有幾名西裝人士走向我。

「你地係咩人？」我打量著他。

「我地老細想見你~」





「邊個係你地老細？」豹女問，與博士小心翼翼地保護我。

「去到就知。」

我若無其事地走，他們擋在我面前，說:「郭老闆要見你。」