羽夜（完）: 10

「想聽我講故仔？」我呷了口酒，她洗耳恭聽。

「以前呢，我喺d爛仔學校度讀書既，真系冇乜幾多人系讀書。我喺學校系大佬黎，帶住d兄弟，乜都夠膽死玩，連主任都買我怕。果陣時d風紀全部得個名，唯獨是果個風紀隊長仲係鬼死甘盡責。佢成績喺我間學校入面算幾好，不過硬系中意draw人attention，仲要膽生毛成日同我作對。甘我帶住成班手下，梗係要比下馬威佢架啦！點知佢打又唔怕，淋紅油又唔走。」我呷了口酒。

「跟住呢？」

「佢講左句野搞到我把鬼火。佢話，我呢d爛仔一世冇出色，睇死我讀屎片。我除左同佢開片之外，仲考埋左第一番黎。全世界包括我都嚇一嚇，我冇諗過原來甘易。個故仔只係岩岩先開始，你唔嫌悶啊可？」我笑了笑。

「冇估錯既，呢個間接令你識到郭雯宣既風紀隊長，就係杜宇浚督察。」





「你岩。所以難怪佢甘憎我，因為我都好憎佢。」我再說:「甘岩果次第一次撞正教育局d唔知咩活動，令到我有個同名校中學交流既機會。我識左個心地好善良既女仔，講左好多名校野比我聽。果陣係中五上學期。我對佢好有好感，想抄佢牌，點知佢話，如果我入左大學讀神科，佢就比我。我從來都冇大學呢個concept, 亦唔知咩叫神科。從來冇女同我say no, 佢令我覺得名校女好有性格好有挑戰性……」

「於是你就努力考試？」

「我冇諗過最後我可以考得甘好，可能係我媽d讀書方法有效掛。除左英文得5，其他都有5**。」

「甘…好嘥姐？」她不敢確實地說出來。

「我入左科大環商，即刻去搵果個女仔。點知人地已經心有所屬。結果我唯有去上堂，第一堂坐我隔離既，就係郭雯宣。最搞笑係，全世界都識佢老竇就係我唔識，佢就係因為覺得我冇機心，所以同我熟左。」





「真係冇諗過你竟然係讀環商識到佢！」她語帶錯鍔。

「或者呢d叫緣分啦……」我凝望著她留下那隻杯上的唇印，回想著她。

「又係既，佢呢種有錢人，多數比人送去外國讀書……」

這個又是另一個故事了。不過，這更證明我和她之間的緣分。

「點解你唔去大機構做見習ceo, 反而……？」





「如果你成屋都係警察，你好自然有份正義感，即使最後你冇當差。假如你成屋專業人士，你亦都會有傾向安定既心。」

「家庭灌輸既價值觀，呢樣係冇對錯，但會深入潛意識既。」

「exactly. 更何況我個背景咁花，只要一見工就冇可能cum得住。仲有，我老竇仇口唔少，我同阿媽行事唔會高調。」

「好開心聽到你既故仔。」

「無啦啦甘客氣我好唔慣喎~」

我倆相望而笑。