肥妹仔愛作戰: 8.

到了蘇茵位於天后的家，我被眼前的景色吸引過去，從窗口看出去，可以把維園的景色一覽無遺。從游泳池到籃球場至足球場，由皇仁到中央圖書館到糖街CEO…..

「你屋企係頂層，180度無敵大風景，好靚呀….你好有錢呀…….」我的臉差不多貼著那落地的玻璃窗說。

「唔係我有，我屋企人有啫….唔關我事….」她說。

「我都想有咁大間屋，可唔可以參觀下？」我興奮得像參觀示範單位一樣。

「好啦….」



我沿著走廊走著，每入一間房都會說「嘩，好大，好靚呀….」而被她取笑。

「你仲有冇其他形容詞架….淨係得好大好靚，好悶啫….」她笑著說。

走到走廊的盡頭，應該是她的房間了。我看到衣櫃上掛了一條很闊的牛仔褲。那條牛仔褲至少40吋腰圍，兩個褲管就像兩個火水桶大。褲管內側兩旁破了，看損耗的情況應該是磨損。

「你咁望住條褲，證明你冇預過咁嘅情況，其實你都唔係好肥啫….」她看到我不禮貌的盯著。

「對唔住呀，但係點解會咁嘅？」我不解的說。



「肥嘅人大脾內側都會有一大嚿肥肉。行路果陣會貼住，行一步就會磨擦一下。磨下磨下，就最先爛就係內側位，冇得補返….依條牛仔褲係我最鐘意，因為我覺得著到我睇落好瘦….所以成日著。自己以為睇落瘦，就覺得人地都唔會覺得我肥….其實都幾低能…..著得多就爛得快….佢爛果陣我都幾唔開心，因為好難再搵返啱心水又著得落嘅褲。冇size 嘅時候就要著男裝衫褲…..我就最憎…….之後每次搵到著得落嘅褲，我都一定買兩條，爛左都有另一條頂上…….」雖然她輕鬆的說出那經歷，但我估計當時她應該挺難過的。因為我也不敢入時裝店。那些衣服像是給22吋腰的女生穿的，哪裡容得下我這個30吋腰的肥妹仔。

可幸是，至少我仍然可以買到女裝褲穿。很多人不知道，在女裝連鎖店的女裝褲最大的腰圍只提供到32吋，33吋或以上的都是男裝。除非到專買加大碼店舖，否則一般店舖也很難買到超過32吋的女裝褲。

「後尾減肥成功左，先發現外面世界原來仲有好多可以著得好靚嘅褲揀，牛仔褲、九分褲、短褲、西褲…..我唔係話肥妹冇得揀，只係選擇少…..我專登留返條褲警惕自己，要做有得揀嘅人…….至少唔會入到時裝店，連衫都未拎起就比sales 大大聲話啲衫唔啱我著……我依加就可以揀買定唔買…..」她說。

她說得對「一定要做過有得揀的人」。我們也值得更好，為何偏要把選擇權給不愛自己的人。裝備好自己後，我便可以擁有更好的選擇權。減肥以後，我不用再局限在「鬆泡泡」的裙子，我也可以穿迷你裙或者熱褲了。除了阿祈外，我也值得擁有另一個更愛我和錫我的另一半。

「好啦，參觀完喇，我地開始未？」她說。



「可以喇，可以點開始？」我雄心壯志的說。我決定今次減肥不成功便成仁。

「好，咁你先除衫先….」她笑著說

「除衫？點解要除衫？」我驚訝不已的說。

「阿詩，為左減肥，你可以去到幾盡？」