肥妹仔愛作戰: 6.
傳說之中的茄牛通果然名不虛傳。濃郁的蕃茄味、鬆軟的牛肉。每條通粉的中間也填滿了美味的肉湯。
「此食物只應天上有囉….太好食啦….」我內心瘋狂的吶喊著。
我不停的把通粉，蕃茄和牛肉「掃入口」。但一會兒後，我感到有點內疚和後悔，我減去的7磅會否一下子回來了，我會否回到160磅的肥妹？我常常覺得我高160厘米，重160磅，活像一個球體，在街上步行時好像在滾來滾去。
突然間，內心浮現食了再找洗手間嘔出來的念頭。
「喂….你個樣好似諗緊野喎….….你唔係諗住食完嘔返出嚟掛….」她用一雙懷疑的眼神看著我。
「冇…..冇….啲咁嘅事…」我連忙揮手否認。為何又被她看穿了？
「你呀….減肥方法錯晒，好傷身架….」她說。
「我唔理，我要用最快嘅時間減60磅，我要….咩…..」我吞吞吐吐的說。我不想告訴她，我減肥的原因。
有時候，我很怕把自己的不開心告訴別人。很多人也會有個先入為主的想法，就是覺得肥妹仔都是開心果。其實肥妹仔也是人，不可能時時刻刻也維持在開心狀態。我們也有情緒，也會有傷心難過的時候。我聽過最難聽的說話是「你應該學下沈殿霞啦，人地肥得幾開心....」為何我要學沈殿霞？我又不是要做她接班人。
而且，我不喜歡聽到別人對傷心的我說：「開心啲啦」、「唔好唔開心啦」、「喊都無謂」…..情緒是一種很個人很主觀的感受，不是單憑三言兩語可以改變。我不開心，不會因一句「開心啲」就可以回復過來。另外，有些人在安慰別人的同時，總會加上自己的想法和建議。例如失戀時，有人會安慰說「其實我都唔睇好你地」、「唔鐘意你嘅，咩都係理由….」、「睇開啲啦，再搵過個囉….」他們所說的我是知道明白清楚了解，但當我失去理性和冷靜時，我就會變得不知道不明白不清楚不了解。失戀的時候，何來理智與冷靜呢？看得開，應該就不會傷心吧。
最後，我最怕把自己減肥原因告訴別人後，別人回饋我「你傻你蠢你戇居」，「她不值得….」。你們又不是我，為何可以幫我評價值不值得，然後又批評我傻蠢戇居呢？有一天，我猛然驚醒自己傻蠢戇居時，我便會覺得不值得，然後我會放下，根本不用你們幫我評價值不值得。所以如果她問我原因，我怎麼辦呢。
「我陪你減肥啦，唔好再用你自己嘅方法喇，好傷心同傷身架….」她仍然保持笑容說。她竟然沒有問我原因！
「你….你…..唔問我減肥原因嘅….」我說。
「你想講自然會講，又何需我問呢….我減肥原因好簡單，就係當年女朋友因為我肥而飛我，所以我要減肥，不過之後諗諗下心態轉左，變左為自己多過為前度….哈，想當年我都係係維園被飛。不過我係遊樂場果邊…..」她很輕鬆說出減肥原因，我想她應該已經完全放下了。
「你…你真係會陪我減肥？」我有點猶疑，有點不能相信她。
「會….地獄式減肥，包成功….一陣食飽去我屋企，我要同你正式開始減肥……哈哈哈哈」她的笑聲讓我有點不寒而慄的感覺。此刻，我全身冒冷汗中。
「阿詩，為左減肥，你夠膽上一個識左唔夠三個鐘嘅人屋企嗎？」