【大學故】《上到大學，原來真係會咩都唔同曬》: 三十 完
(三十)
*雪琪視覺
「我...」
熟悉既情景，熟悉既地方。藍嘉浩，乜你覺得我地真係可以繼續行落去咩？
淚水再次係我眼眶打轉，我轉過身，然後頭也不回咁一直向操場方向跑。
「鈴...」lunch time既鐘聲響起，各層班房既學生開始湧出黎。
「中文堂真係好眼訓呀！」
學生既談天聲此起彼落，操場同埋走廊都漸漸開始充斥住人群。
「雪琪！」一隻手從後伸黎捉實我。呢種咁熟悉既感覺，係嘉浩。
嘉浩將我一下轉過黎攬實我。而我，岩岩跑到去操場中間。
「唔好走，得唔得」佢係我耳邊講，眼淚滴落我雪白色既校服。
我仲未黎得切反應，下一秒，佢跪低左。
「雪琪，我知錯啦，比多次機會我」佢抬起頭望住我，眼淚沿住佢臉龐流落黎「我淨係想要妳一個，其他我全部都唔要啊」
「嘩！個邊咩事呀！」
「好似高F黎架喎！」
「咁熟面口既... 呀！舊年個跆拳道學會會長呀！」
「嘩！」
「你... 起身先啦」我喊住咁講
「妳唔原諒我，我唔起」
「你依家威脅我？」
「雪琪... 好對唔住」嘉浩好誠懇咁望住我
「我依家... 一合埋眼就會諗番起個晚見到既情景... 我會諗起你同ceci上床既畫面... 我覺得眼前既你好陌生」我終於對住嘉浩講出最大既問題「我對你既信任已經破壞左，你有信心令我可以再次相信你咩？」
「有，我會用一世去證明俾妳睇，妳無愛錯人。」嘉浩捉緊我隻手
「你有... 但係我對自己無信心。我唔想變番嗰個由朝到晚check死管死男朋友既程雪琪」我既眼淚打從見到嘉浩個刻開始就無停過「咁樣真係好辛苦啊」
「只要妳開心，我每日都俾妳遠距離gps追踪我又有咩所謂？我會用行動去話俾妳知，我藍嘉浩淨係會愛妳一個，依家係，以後都係。無論以後再出現幾多個ceci都好，呢次既教訓我呢世都唔會忘記。」
望住眼前呢個人，我真係好唔捨得。
「如果一個男人肯願意為妳而流眼淚既話，佢真係後悔，知錯架啦。」
「其實我都好唔捨得你...」
「信我，再無下次。」嘉浩企番起身，然後緊緊咁攬實我。
我攬實嘉浩，溫熱既眼淚沾濕左佢件校服。
呀賢搭住小熙膊頭企左係我地身後既學生堆入面。李穎熙一路好欣慰咁笑，眼淚亦一路流出。
以後既日子... 一定要... 更加幸福。
時間過得好快，四年既大學生活轉眼間就過左。
當初嘉浩因為成績太好，所以學校無即時答應佢既退學申請，叫嘉浩慎重考慮。所以最後嘉浩都可以留得番個學位。
佢亦都比起之前對我更加好。初頭我仲係唔敢完全信番曬佢，唔敢再提番起之前啲野，但慢慢咁我開始搵番當年同佢一齊個種單純既戀愛感覺。
小熙同呀賢仲係成日三日唔埋兩日就嘈交，但好快呀賢就會氹番小熙。雖然日嘈夜嘈，但佢兩個既感情就越黎越好。
聽小熙講，因為學業繁忙所以同呀朗都少左聯絡，但有時都會一齊去食lunch。我真係唔知原來呀朗之前鍾意小熙！不過好似話佢依家已經有女朋友，聽小熙講係細佢一年既同系妹妹。
至於嗰個yuki，佢真係同左呀k一齊。佢兩條友成日糖痴豆形影不離，平時係學校見到我同呀賢都係微微一笑點一點頭就各行各路。
啊，不得不提既當然係個件姣婆ceci啦。聽嘉浩講話佢地斷絕來往之後無幾耐，係X大 secret有人將ceci啲淫照post曬出黎，po出黎個條友仲話佢係hall雞公廁淫娃。我都睇左個album，啲相足足有成幾十張，但個post好快就俾人del左，而ceci都被逼退學。
每個人都好似變得更加成熟。
「吱吱～」
「喂？得啦得啦我就黎搞掂啦，你得未啊小熙就黎開完會架啦」
我邊講邊望一望時間，仲有一個鐘小熙就會放。
呢一日係小熙畢業既日子。而陳俊賢亦都打算係呢一日同小熙求婚。
李穎熙咁恨結婚，等陣佢見到呢個場地，一定開心到老母都唔認得。
「嘉浩同我已經到左啦」我對住電話講，呀賢都即刻拋低句就到就收左線。
「拿等陣呢小熙會係lecture個邊出黎，我會去搵佢然後扮曬野同佢影兩張相，之後就會將佢拉過黎花園呢邊話個景靚啲黎呢邊。」我不厭其煩咁同嘉浩講緊個流程「記住啊！計好啲時間啊！」
我同嘉浩事先係花園棵大樹上面整左一大盒花瓣，然後等陳俊賢同小熙求婚個陣就一野拉開個盒。真係諗起個畫面都浪漫！
「小熙！我要同你影相啊！」我好興奮咁衝過去拉住小熙
同小熙影左幾幅(幾百幅)相之後，就諗住照原先計劃拉佢去花園。
「呀賢同嘉浩到左啦，我地去搵佢地啦！」
我將小熙拉去花園，離遠已經見到呀賢著曬suit拎住隻大公仔好型咁企左係度。
我微微側頭望一望小熙，見到佢露出微笑。
奇怪，李穎熙你唔係應該好驚訝好興奮好開心架咩？！
行到入去，我一野推左小熙埋呀賢度，就諗住閃人。
點知呢個時候，小熙另轉面，將我拉番過去。
「啪——」
原先諗住等呀賢求完婚再拉開既盒係呢一瞬間打開左，一片粉色既花瓣海從天而降。
下一秒，嘉浩係樹後面走左出黎，手上面捧住一隻同呀賢手上個隻一樣大既公仔。
我未黎得切反應，佢已經行到去我面前。
而同一時間，呀賢都行去小熙面前。
然後，佢兩個一齊單腳跪低左係我地面前。我同小熙都好驚訝咁互相對望。
「小熙，嫁俾我啊」
「你... 點解... 」小熙既表情話俾我知佢呢一刻好驚訝
「係啊，我同嘉浩諗左好耐，先諗到呢個方法同一時間去向妳兩個求婚架」呀賢笑左一笑。
原來，佢地私底下同我講想俾驚喜小熙既同時，亦都同小熙講左。
「雪琪，嫁俾我啊」
「... 考慮下先」
「唔好啦，我咁靚仔又溫柔又細心又...」
「你！好！煩！呀！」
終於，兩對情人既身份又再昇華，往後佢地就會踏上人生另一個階段。
大學既生涯咁就完左啦。踏出社會，唔知又會發生一個點樣既故事呢。