【大學故】《上到大學，原來真係會咩都唔同曬》: 十
(十)
*嘉浩視覺
望住Ceci呢身既打扮，我相信所有男人都會忍唔住望多兩眼。
而本身坐係我對面既呀朗突然變左Ceci，我有啲唔自然咁望一望佢，就話「好喇，人齊就叫野食先喇！」
「好熱啊，頭先人地跑過黎，香港夏天真係好焗！」Ceci邊講邊除左身上既牛仔褸，淨返件白色緊身低胸背心，仲露出左入邊紅色bra。
「Ceci，不如你去廁所補下妝先再叫？我見你流曬汗咁啊！」小熙突然拎起著紙巾擦落個妝根本就冇花既Ceci度。
「係？咁我去廁所先，你地等陣啊！」Ceci隨即拎起枱上既IPhone 就行左去廁所。
當Ceci入左廁所之後，小熙好大力咁踢落我度「藍嘉浩！」
我隨即將視線轉移返去小熙度「做乜啊⋯」
「你再望啊！你唔好以為我見唔到你係咁望佢個胸啊！」小熙目露兇光咁啤實我。
「頂，咁我望下姐，都冇做乜！」我有啲心虛咁用手肘頂一頂呀朗，呀朗都收到我既「求救」，都開口道「係既，我都有望喇，哈哈⋯⋯」
「咁洗唔洗望到實啊！」小熙叉起手咁繼續追問。
「唔係，我無啊！」我即刻答。
「無？頭先口水都流曬咁！」
「咩喎！呀朗都有望喇！」我指一指呀朗，呀朗即刻搖頭否認，但小熙竟然係答「點同姐！人地呀朗無你咁鹹濕啊！」
頂，到底李穎熙係點得出呢個結論？
但為求保命，我唯有舉起發誓既手勢「我唔會有非份之想，我心入邊真係淨係得雪琪一個架！」
如果小熙話左比雪琪知，我既親愛女朋友大人一定有排嬲我。
「哼！無就最好喇。呀朗我地叫野食啦！」小熙好惡咁對住我講，但對住呀朗又變返平時咁。屌，真係雙重標準架喎！
當Ceci返到黎，小熙又以各種理由同籍口叫Ceci著返件牛仔褸，而我收到小熙既目光後，都即刻配合咁話咩好凍啊，著返件褸咁啊個啲說話。
終於，食完飯都已經九點幾。
因為聽日小熙同呀朗返9半堂就早走左，我見得返我同Ceci兩個，都費時令人誤會，於是都打算返屋企。
「Ceci，咁我都返去喇！你自己返去小心啲喇！」唔係我冇紳士風度，係唔可以做令女朋友誤會既行為。
「好，不過你知唔知1A巴士站係邊啊⋯我唔係好識路啊⋯⋯」見Ceci一臉可憐又委屈既表情，我都唔忍心拒絕。於是就陪佢搵佢個巴士站。
終於行到巴士總站，Ceci其實中途已經有話著高跟鞋腳痛要扶住我手臂行，又係唔好意思拒絕，比路過既途人以為我地一齊。
終於，我忍唔住咁退開一步，一臉認真咁望住Ceci「Ceci，我有女朋友架，你咁樣唔係咁好...」
Ceci聽完之後，好失望咁低頭望向地下「其... 其實我知，但係... 我真係好似... 鐘意左你...⋯」
當佢再抬頭既時候，雙眼滿是淚水，好無助咁望向我。
我當下好堂皇咁即刻想安慰佢，但又唔知講乜好「我⋯... 其實唔係你諗咁，有車喇，對唔⋯...」
我未講完，Ceci已經撲埋黎，錫左落我咀度。而我未反應得切，佢已經退開左。
「我有車喇，bye」講完呢句，Ceci已經上左車。
而我個腦一直浮現雪琪個笑容同Ceci頭先錫落黎既畫面。
頂，藍嘉浩，你到底做緊乜。
*呀賢視覺
『今晚去你度飲野？』 一完左Camp，我就收到嘉浩Whatsapp。
唔想再對住個yuki多一秒既我，望一望雪琪，我就覆『得我地兩個？』
『係... 係你樓下等你。』 嘉浩基本上係秒回，於是我就send 左個ok比佢。
「今晚嘉浩約左我啊，你同我一齊走喇，我驚呀k又...」 細細聲咁同雪琪講。
「喔，好啊...」本身雪琪應該唔想咁早走住，但聽到後面呀k兩個字就應承左同我一齊走 。
「咁我地走先喇，bye bye」同組爸媽交代左我地有野做，我同雪琪就拎起行李行出hall 。
「你地咁急走既，唔通⋯... 有下場？」Karson笑淫淫咁講，睇佢個樣都知佢仲以為我同雪琪係一對喇！
「唔係囉！我同陳俊賢係好朋友炸，屌」雪琪反曬白眼咁講。
「仲扮，你兩個成日痴埋一齊，都仲扮野」呀琳走埋過黎講。
「真係冇！我地⋯... 」 我未講完，嘉浩就咁岩打黎，大意都係催我快啲返去，所以我就拉住雪琪走，順手做左個揮手動作。
因為平時我同嘉浩、小熙同雪琪都會有自己既相處時間，所以對於嘉浩黎搵我飲酒，雪琪並無點過問，只係叫我地唔好飲咁多。
而我送左雪琪去地鐵站就上的士趕返屋企。
一落車見到嘉浩，已經見到佢拎左兩打啤酒。平時同嘉浩飲都係最多三罐，嘉浩買咁多姐係代表有野煩緊。
「咁耐既你。」嘉浩走左埋黎講。
「屌，已經搭的士過黎啦」 我幫嘉浩拎左袋啤酒就轉身上樓。
一反到屋企，嘉浩就係書包入邊左袋野我。
我接住嘉浩比我既紙袋。
「咩黎架？」
「你女朋友叫我比你。」嘉浩已經習慣左做我同小熙之間既跑腿，一臉理所當然咁講「前幾日出尖沙咀re u個陣，佢見到有特價就買左比你」
一打開個袋，係我想要好耐既Air max 純白特別版。
「屌，好撚靚啊」
仲係驚訝之中既我呢刻突然好想打俾小熙，但望到嘉浩一臉愁容，我就坐返低。
「李穎熙對你咁好，你好好珍惜喇。條友肯定又幫你執過屋黎喇，你屋企邊會有可能咁撚乾淨。」
經嘉浩一講，我先留意到屋企變到好整齊，至少比我去Camp前更加似返間屋。
「我梗係知我女朋友好喇，洗撚你講咩！」 我轉身放好對波鞋，就send返個whatsapp比小熙。
「點啊，你有乜煩啊！」 換返件屋企衫，我就打開罐啤酒坐係嘉浩隔離問。
「唉，煩雪琪同我」嘉浩係我換衫同整理行李個十分鐘，已經飲左一罐，又開左第二罐黎飲。
「雪琪同你有乜啊？我見雪琪好正常啊！」 諗一諗，雪琪身邊有呀k同個個好似想食女既組爸朗昇，都冇乜野啊！
「仲記唔記得邊個係Ceci?」
「上次中分係咁痴住你個條女？」我諗左陣之後問。
「係，佢話中意我喎」 嘉浩望左我一眼後答。
「都話條女想食你，咁你拒絕左佢未？」
嘉浩搖一搖頭 又飲左啖酒，冇答我。
於是我追問「你冧佢？」
「唔係」
「咁你有乜煩？你直接拒絕佢咪得囉」我有啲無奈咁望住佢。
「本來冇，但佢咀左我之後，我琴晚係咁諗起佢。」 嘉浩又飲完一罐，然後答我。
「之前冇試過咁，自從同左雪琪一齊我冇對過其他女仔有呢種感覺... 我都唔知點解會係咁諗起Ceci⋯⋯」
聽到嘉浩既言論，一開始我好想打醒佢。但望到佢迷網又無助既樣，我都唔忍心咁做。
我深呼吸左下後道，「你一時新鮮感姐，你好好諗下你當初點解會中意雪琪，同雪琪點對你。總之，你唔好做錯決定令幾個人受傷。」
呢件事，一定唔可以同小熙講。
藍嘉浩你同我快啲醒。