🍁那個男人(多甜少咸)🍁: 明知

有專頁分享了以下:

有好多人係會好驚愛情呢樣野！ 仲會將愛自己既人拒誅門外，其實愛係好令人期待，點解要驚呢？

點解？凡事空穴來風，事必有因！也許他/她曾經傷害過/被傷害過，經歷會令人心態改變，愛情亦並非如此簡單的"想得這麼理想"
正如你炒過一次車之後會小心揸車，再炒再小心，三炒你會開始怕，每一次預計不來的意外你總不會知道自己受傷程度？
直到有一次…… 你發現已經唔可以再揸車，身體已經唔容許你再揸車。那你還要去問點解要驚嗎？
何況愛情在每個人的人生裡面佔的又何止一次？
愛情不用經歷很多次失去才會遍體鱗傷，只要你真心真意認真看待過，已經可以傷不堪言。
對他/她來說，期待愛情＝自討苦吃。



車廂內播著:
　　　…… 想得這麼理想……怎確定能碰上愛到永遠沒有悶場？想得這麼理想……註定有劫數破壞甜夢一場，
　　　多麼想也未敢多想，為何幸福要像這樣？ ~ ~ ~ ~ ~

當車停下來的時候，彼此都沒有發聲，車廂內靜得只聽到彼此的呼吸聲，
看來她輕視了今次的會面，被他騙了上車，似乎不是只要傾兩句。
忽然聽到M很大力的深呼吸，終於他先開聲：呢段時間我唔搵妳，妳不覺得奇怪？
又點會唔奇怪，但明明是她逃避他在先，她：嗯…… 男人要搵就自然會搵架啦！
M雙手放在軚盤上：即是如果我今日唔係咁欄截妳，妳都唔會搵我？


怎麼他變得這樣女人？呢類問題通常出自女人把口，她：唔好假設，呢條問題好難答。
M沒好氣的：夠啦！我唔想係咁樣，不如落車走走。
日落不等人，微風吹來一份振作，叫人清醒過來。
M：我將自己變回單身好唔好?
她：點解？（她明明就是知道這問題的背後的原因)
M：你靜係話我知好/唔好就得。
她：基本上我不反對單身，單身有單身好。我都好enjoy我的單身狀況，生活自由，用不完的私人空間，鍾意去邊就去邊，感情關係上更加可以無限制。
M：妳會讓我有無限制的感情關係？
她：倪先生，你要變番做單身，明顯係你唔想有束縛啦！
M：小姐，明顯妳就知道我唔係因為束縛而單身喎！


她仍然迴避背後的明知，她：who knows?
M ：我講左我唔想咁樣。
她：但其實你咁嘅狀況已經唔係今時今日的事。（唔好賴左我，我明明已經在迴避你）
M 是真的明白她，M ：當然，我唔會賴到妳頭上。
她：我唔覺得應該會關我事，番去啦！我好攰。
M ：我未講完。
她：嗯…… 你繼續~
M忽然從後緊緊扎抱著她，她聽到彼此間近乎同步的心跳"卜卜卜卜卜卜"，
一剎那唔知點解她想哭，何以簡簡單單的關係，會變成這樣子？她閉上眼，腦袋裡空蕩蕩的，找不著什麼可用的知識。
以前當山羊座：I will choose to stay with you . 她會很可愛地回應：係咪真架？
但此時此刻，M一副很認真樣子，她不可以好似對住山羊座很可愛的回應他，但她竟然有些心軟……
直到再聽到M的聲音：妳放心，我講左就係，唔會好似佢咁，講完轉頭走左去。
她：其實你諗清楚未？其實你唔需要咁做，你明知我唔會要求你咁做。
M：我只係自己決定自己的事。
她：我唔係咁既意思。


M：唔係就得，跟我意思做！唔好再講，妳都唔洗旨意再逃避我。

她知道接下來是要靜觀，靜觀那個男人是否只是憑空講理想。

一路上，車廂內還是播著：~~~ 心很癢看你能否空口講理想…… 想得這麼理想，以後我與你歲月還漫長~~~