🍁那個男人(多甜少咸)🍁: 相遇不如偶遇

人生裡，可以與很多人偶遇，當中能相遇的似乎總有因由。
～就是總有因由，至今我還在loop這些因由。
相遇裡頭帶點注定，兩個人走在一起的時候總覺得是命中注定，注定要跟他多多少少經歷一些.........
當不能再走下去的時候，傷痛過後你回頭望，你曾經偶遇過那個男人。

究竟是偶遇還是相遇？可能只是現在進行式跟過去式的分別吧！
既然緣份不能掌握在自己手裡面，那就不是我們去揀緣份，而是緣份來揀你/妳,他/她。

自從那天被M碰到，幾個訊息之後，她沒有主動找他。
若然男人掛住妳，一定會自動自覺，都未洗煩佢，佢都會纏到妳透唔到氣。所以她從不主動，尊重一下自己。


反而他會偶爾傳來訊息會問：做咩成日見你跟同一個男人一齊？　
有時會問：做咩又出左去？　點解呢個時候妳會唔係office？…… 之類得問題。
其實他只是想曲線告訴她：我又碰到妳…… 我跟蹤緊妳…… 等。
望住M的訊息，來來去去她都只會答：係呀！忙！客黎……
M會話:　妳得一個客既咩？　
她忽然興起：當然唔係，明天會是另一個，後天又會是另一個。
M：即是他/他/他？　　　　
她：NO. 係客/客/客。
M：咁妳打算幾時見我？　
她：……… 點樣呢？我同你生意上應該無咩動作可以掛勾。


M：妳唔係打算就咁就算？　
她開始覺得被質問，她：………. 唔知道。
的確，她最近經常有股衝動很想見他，或者只是望一眼。但同時她會問自己，其實妳想點呢？
M：唔迫妳！但我想簡單面對面幾句對話。
她心想又話唔迫？她：我排下。
M：嗯！
M頗體諒她，"我對妳唔好咩？點解妳可以咁對我？" "我唔知你諗緊咩?" 這些說話不會出自他口。
回應完M之後，她又想著"既然緣份不能掌握在自己手裡面，是否真的要讓它自由發展？"

難得今日OFFICE只有她獨自一人，其實她可以隨時離開，發呆完畢之後，收工落閘。


當電梯落到最低層，她剛朝著大廈門口走去的同時，遠遠出現一個很熟悉的身影；
當她再行前些，發現呢個男人又出現在她視線，久違了一段日子，樣子憔悴了些。
雖然他人在眼前，不等於他是等她，她唯有當睇唔到，當她想無視他轉身轉彎走的時候；有人拉住她手臂……
她暗暗說道：唉！走唔甩！
M：上車傾兩句。
她：又話等我排下？
M：妳唔係認為我真係信妳會排呀？
就這樣，她又上了那架BMW………