我們怎麼了？: 41

「儍咗呀你，哈哈。」謝宣諾的問題，讓詠莉啼笑皆非。 

謝宣諾：「真架，教我，不過再教多我一句。」 

「仲有一句乜嘢？」詠莉好奇問 

「不過我十二年前對佢唔好，所以我地宜家係舊朋友，唔係新朋友。」謝宣諾很淡然的說 

詠莉的笑容僵住，不懂得回答，但旁邊的Fabio一直看著她，所以不能做出一些異樣來。 





「咪玩啦，句嘢咁長，教咗你都唔識講啦。」詠莉再次展開笑容說 

謝宣諾：「認真架我，唔係講笑。」 

「你咁講會嚇親佢呀。」詠莉不願意，因為她覺得沒這個必要。謝宣諾：「詠莉，我想講……」 

「你唔係想講對唔住嘛？」詠莉將謝宣諾的話截住，不過仍然是用著輕鬆的口吻。 

謝宣諾：「係，我應該講，我返香港，係要做返我應該做嘅事。」 





詠莉：「如果係咁，你更加唔應該係同我講，我同你嘅事只係好小事，十七八歲嘅感情算係乜嘢？你唔使擔心，我好好，而且我同Fabio都計劃結婚。」 

「哦。」謝宣諾除了以這個不能再簡單的答案作回應，也沒有什麼可以做。 

「咁你今晚先打俾我，我等Fabio送咗我返屋企先慢慢同你講。」詠莉的背景慢慢變得嘈雜，語氣明顯是想盡快掛線。 

「咁好，我等妳打俾我。」謝宣諾識趣，打算掛線。 

「咪住。」詠莉突然叫住謝宣諾，再問：「最近六年，每年我生日嘅夜晚都會有一個電話打俾我唔出聲，果個係唔係你嚟？」 





「哈哈哈哈哈。」謝宣諾尷尬的一陣笑聲，詠莉已經可以肯定答案。

謝宣諾：「我想同妳講句生日快樂，但又唔知點去解釋，所以次次都係打完，接通之後聽到妳把聲就收線，對唔住。」 

詠莉：「對咩唔住，多謝你解開我一直都想知嘅迷。其實你每次打俾我我都見到係長途電話，我有諗過係你，但我又諗，你應該已經唔記得咗我電話。頭先你同我講原來你一直記得我電話，我就肯定，果幾年打電話俾我果個就係你。」 

「哈哈…」謝宣諾還是那幾陣尷尬的乾笑 

詠莉：「好喇，再講，拜拜。」 

謝宣諾：「拜拜。」 

詠莉掛線後一直很甜絲絲的笑著，在旁的Fabio看到後覺得不爽，便以很不滿的態度向詠莉質問，到底謝宣諾是什麼人。現在的詠莉性格一點也不像從前那麼溫純，反正她覺得她說了是朋友就是朋友，所以兩個人言語上衝撞了幾句，一來二去的就在街上開始爭執起來。 

詠莉覺得自己有自由，但Fabio覺得那個陌生的男人明顯讓她很快樂； 




詠莉說她們是老朋友，但Fabio說為什麼剛才她說謊； 
詠莉說她不喜歡被人監視般去交朋友；Fabio說他是她男朋友就有這個權力； 
詠莉生氣的說自己回家；Fabio最後選擇在街上和詠莉拉扯。 

他們已經不是第一次這樣子在街上爭吵，外人看來Fabio是一個大方的英俊洋人，說穿了只有詠莉才知道他的古怪脾氣。 

醋罈子、多疑、霸道，他跟詠莉也不知道因為幾多小如綠豆般的小事而差點拉倒，但偏偏，這兩年間有如戰爭般的情侶生活並沒有令他們分手，詠莉就是離不開這個男人。 

原因是什麼？可能連詠莉自己也不知道。 

最後她們在街上拉扯了幾分鐘，詠莉自己跳上了一輛計程車離開，而Fabio則跳上另一部追隨在後面。 

所有的東西，都給不遠處的謝宣諾看在眼裡。不知道為什麼，他一直遠遠的跟在詠莉後面，剛才的那個電話，每一個字，他都是看著詠莉去說的。

看著詠莉上車後，謝宣諾便回到酒店。洗過澡後，他便一直拿著電話坐在床上等，等我悶了，又拿出那一本日記薄來翻了兩頁。 





「二零零二年，三月，十八日 

好玩！今日跟守業去曼谷玩，超好玩！ 
落完一間Disco再一間，勁多女呀！守業細佬教我果幾句泰文又幾有用，今日真係玩得好開心。 

不過講時講，本來諗住嚟泰國玩一兩個月就返香港，估唔到我會咁鐘意泰國呢個地方。地方又大，當地人又好，嚟咗半年我完全冇病過，仲玩到完全冇煩惱，或者玩多幾個星期先再打算。 

嚟到呢邊好少玩電腦，因為呢邊嘅網速實在太慢，加上我又唔記得咗個msn密碼，所以有時想知道香港嘅情況都係冇辦法去搵佢地，唔通真係打電話去問咩，點都好啦，遲啲先算。 

早幾日同守業講，原來佢同我講阿力喺香港打電話俾佢，話G4已經執咗，仲話執果日佢喺G4見到建倫佢地，不過，建倫只係問阿力守業去咗邊，完全冇問過我嘅事，好失望。 

我有叫阿力幫我去屋企附近望下見唔見到阿爸同媽咪，不過阿力冇見過佢地話見唔到，定係我形容得差，佢見到都唔知係佢地呢？不過都冇所謂啦，咁多年我地都係分開住，宜家咪當我喺香港，佢地喺美國囉。 

不過我好掛住霜姐。 





仲有阿斌，你好嘛？」 

看著看著，累透的謝宣諾慢慢睡去，不知道過了多久，電話響起了。謝宣諾立即醒來接過電話： 

「喂喂。」 

「謝宣諾，你宜家喺邊，同我即刻出嚟。」謝宣諾認得出那聲音，是簡仁。