我們怎麼了？: 31

我：「男朋友？乜嘢男朋友？」 

秋凝：「我其實一早同祖立一齊，同阿斌分開咗果時我地就一齊。」 

我：「我地上次仲一齊食飯，妳地邊有一齊？」 

「上次你死都要纏住秋凝，果日係佢俾短訊我，叫我嚟撞你地，因為佢唔想你地兩個搞到冇彎轉。」祖立跟我說，那聲音很討厭，非常討厭。 

我：「我唔係同你講，行開。」 





秋凝：「諾仔你唔好咁大反應得唔得？我叫你出嚟，係祖立想你走之前同你講清楚，我地都唔想呃你。」 

我：「唔想呃我？妳地都知呃咗我？上次食飯仲扮冇嘢，原來一早就一齊，當我儍仔玩呀？」 

祖立：「秋凝根本冇對你做過乜嘢，係你自己諗多。」 

我：「我叫你收聲呀！賤種！」 

秋凝：「祖立冇講錯，一路都係你自己諗多咗，我想同你講好多次都冇機會。」 





「咁妳上次喺網吧，明明阿斌坐妳隔離，妳又一齊望住我部機同我玩？唔係我諗錯，係妳做咁多多餘嘅嘢呀！」我轉身指著秋凝，我除了生氣，我只可以生氣，因為如果不用這個感覺遮蓋著，我剩下的只會是丟臉的感覺。 

祖立：「秋凝望住你果邊，係因為果時我同佢已經曖昧緊，佢唔想我見到佢同阿斌太親密，所以先一路望住你果邊。」 

祖立這個答案，讓我很崩潰，我到底為什麼要來這裡？ 

秋凝：「我都同你講過，如果唔係提起，我根本唔記得我地一齊過。」 

「得，係我自己諗多咗，我天真，我冇你地咁深思熟慮，背住阿斌連BB都有埋。」我已經開始語無論次，開始大聲地咆哮著。 





祖立：「佢呃班女同學去借錢，係為咗我，為咗幫我俾祖正果筆手術費。」 

一個又一個的真相，在阿斌出事之後的一個鐘頭內相繼引爆，我怎麼可以接受？我還可以做什麼？我想的原來都不是真的，所有真實的都是我不願意看見的。我現在才明白，難怪這段時間祖立一直沒有跟我說什麼，還在那天在釣蝦場他的表現會那麼奇怪。 

秋凝：「所以祖立想你明白，因為我地仲當你係朋友。」 

我：「我冇妳地兩個朋友！」

我轉身就走，沒有再爭辯下去的空間，連我自己都覺得，我表錯了一個很長的情。 

「咁阿斌呢個朋友，你又有冇上心？」祖立說 

我轉身，衝向祖立，接近面貼面的大聲叫著：「我冇上心？你憑咩話我冇上心？」 

祖立：「建倫喺你收佢線之後打咗俾我，你真係以為我地唔知咩事？係你叫阿斌上去，原因係你要佢等間舖頭開門。」 





「咩話？祖立點解你冇話我知？」秋凝睜大眼睛看著我說。 

祖立：「我冇時間同你講，建倫頭先打俾我，我去果邊傾完已經見到諾到咗。」 

秋凝：「你係咪癲咗呀謝宣諾？你要買乜嘢咁巴閉呀？」 

我：「我已經同建倫講咗，我點知會發生件咁嘅事呀？」 

祖立：「咁你又唔聽電話？如果唔係秋凝打俾你，你邊個電話都唔肯聽呀！你仲夠膽咁大聲？當阿斌係朋友？佢嘅生死就唔理，佢嘅前度你就一直想溝到手！我係賤種，咁你係乜？」 

我：「你講乜呀？宜家拖住秋凝手果個係你呀！你可以講返轉頭？」 

祖立：「係秋凝唔鐘意你你煩住佢呀，唔好講到係我搶走好冇呀諾少！？醒未呀你？有錢大哂呀？住半山大哂呀？乜嘢都一定要輸俾你呀？」 





「你講乜呀？」祖立的語詞，正好給我一個發洩的機會，我拿起拳頭便向他揮過去，祖立避開，然後我們就扭作一團。

今晚真的很倒霉，我一定要找一個人發洩。 

秋凝：「你地唔好打呀！停手呀！」 

我們沒有理會秋凝的大叫，兩個人在地上你一拳我一腳，大家都進入了瘋狂的狀態。不過說到尾我終於比祖立壯健一點，左手一按便把他的頭按在地上，右手已準備向他施以重重一擊。 

「搶走秋凝？」我碎碎唸道，右拳已準備擊向祖立，這時突然有兩個人各拉住我的一隻手臂，另外一個人則一手把我揪起，重重摔到另一邊的地下。 

「停手呀，諾。」是建倫。 

來了，建倫、肥文和簡仁也來了。