一場十年的夢。: 制服團隊的牽引

｢LEFT! ...LEFT! ...LEFT! RIGHT! LEFT!｣......
九月始開，炎夏未去，一團身穿校服嘅男女在操場上步操。

｢嘩屌！好熱呀，屌唔住啦！｣陳嘉洛怨恨咁講。
一旁柳樹枼尖幾乎曬焦，夏日難纏。
｢咪同你一樣咁柒煩囉傻屄！｣我都覺得好很熱，最憎夏天。
陳嘉洛，中二時僅有好友。同佢，我地有一種莫名嘅緣份。中一我同佢並非同班，但就係校際朗誦節遇到。中二新學年調班佢就入咗黎我班，更同我一齊玩同民安隊。其實平時我叫開佢JOHN哥。
｢你份數學功課做好未，做好借黎抄巧～｣JOHN哥講。
我串反佢一野：｢平時又唔上堂，野又唔識做，又要抄功課。唉～廢柴！｣
｢喂！好啦同學，今日就操住咁多先，下星期繼續！新人嘅多練習，舊人嘅，多多練習｣個LEADER硬係要搞下爛GAG先過癮咁，可惜無人識笑。





兩條麻甩仔咩住個書包離開學校。
當時未與咩BL同HEHE，GAY文化未展開，無人會覺得GAY好笑。兩條仔行一條路，一個字｢DRY｣!
就到地鐵站，突然後面傳黎一把都幾溫婉嘅聲線。
一扭轉頭，原來係今天先加入嘅新人。唔係，係兩個新人。
｢喂呀JOHN，你竟然去左精英班，估你唔到喎。｣其中一個女仔一邊走近一邊講。
精英班，得啖笑。唔記得講，我地係係軍澳區其中一間新成立嘅BAND3中學讀書，所謂嘅精英班只係由一堆垃圾裡面揀Ｄ無咁垃圾嘅人出黎，但根本上都係垃圾。
比人讚一讚，JOHN紅都面哂，一味話｢咁啱啫，死好彩啫｣。一睇佢個樣就知佢思春期到，冧嗰條女啦～
旁邊個女仔完全撘唔到嘴，其實我咪一樣。睇住個FD溝女，自己就毒自孤單......





無無聊聊，望望另一個女仔，尾馬，髮長及腰，......淨係呢樣都夠人FF半日，尤其係學生時代嘅仔，見到馬尾長髮都幾乎丁出血。
可惜，除左呢樣之外，佢全身上下都同｢靚｣字無緣：身型中等＋小肥無腰＋無胸＋包包面＋小量暗瘡......
又未至於樣衰但一定唔係討好，路人樣囉。
JOHN哥又傾到興起，我又插針都插唔入，又無靚女，所以決定走先一步。始終唔多慣社交。
｢各位，我有事，走先。｣跟手襯佢地未有反應，頭也不回咁沖入閘機。
 
話咁快就過左一星期，又要練步操。其實我都唔明點解會加入咗呢個團隊，而且仲要一玩玩足六年，到中七先勉為其難咁退落黎。
今日JOHN哥醒啦，專登搵返條女隔黎個位黎企黎操。
我地操開四個人一棋排，條女就企最右，然後就條撚頭。我就戇尻尻咁企佢隔離，我計啦，鬼叫我無朋友咩。無耐，上次個馬尾企咗埋黎我右邊個位。
｢嗨~我叫彭倩呀，你呢？｣




我喊出黎，朋友都唔多個嘅我，無啦啦有條女同我傾計，手心即刻冒汗，仲濕過出哂汗嘅額頭。
｢ER……我叫郭清持……｣不如殺咗我啦！！
好彩除咗呢句，我地就已經無再傾落去，如果唔係我真係頂唔住。
步操本來係件好簡單嘅事，同行路其實分別唔大，只係大家嘅步伐要一致。隔離條女竟然可以錯到完全跟唔到。
我望住佢對腳錯撚哂腳步，無野幫到佢，唯有大聲D嗌｢LEFT! ...LEFT! ...LEFT! RIGHT! LEFT!｣比佢聽，希望佢跟得返。
佢就久唔久望望我對腳睇下點跟，點知愈望就愈亂。
 
操左成粒鐘，終於散水。
JOHN哥乘勢就同嗰兩條女講一齊走，然後拉我埋一邊靜靜雞同我講：
｢喂，今次拍硬檔一齊走，咪好似上次咁。上次得我一個好尷呀！｣
我心諗，係咩！見你談笑風生我先唔阻你JOHN哥仔搵食啫，鬼有尷咩屌你！
心就咁諗，口當然唔係咁講啦。｢得啦得啦！｣唯有HEA尻佢啦。
 
就係咁兩男兩女就行去地鐵站。
JOHN哥繼續上次嘅談笑風生，我有我上次嘅戇撚柒尻。




一路上戇撚柒尻嘅唔止我，仲有馬尾女呀倩。
｢你條友就高與，難為我被半生熟死空氣夾死啦，屌！｣心裡面怨恨值極高！
就係我深埋無盡毒念力怨念、準備從褲袋拎銀包出黎入閘嘅同時，無啦啦有句咁嘅說話彈出黎：
｢我想做你女朋友。｣