(新手上路)唔好收好人卡就以為自己係好人: 談心

每個人都有着心事，只是說與不說的分別而已。

少了和蓁蓁閑聊的這個月間，換來更多同男生談心日子。雖說談心，但開頭卻總是玩笑。

｢其實俾你哋係呢一級度揀，你會想揀邊個女仔呢？｣也不知是誰問這題先，好像位位也試過。

｢計我話梗係藍社社長采琳啦，果條小蠻腰真係不得之了，加上啱啱好一隻手掌一邊嘅上圍，身高一米六幾，條腿正到。｣阿澤好像只在乎女生的外在。

｢吓……唔知喎，進仔嘅！｣阿幹好像沒想過另一半的問題。





｢嗯……｣阿俊望向門口第一行的孖位，那是他跟阿瑩坐的位置。

｢講咩呢啲吖，抽蛋啦。｣敬亭好像只專注今日神up。

｢乜你哋咁架，個個借啲意亂咁答、回避問題。｣八卦的心驅使，唯有使出激將法。

｢唓！你好叻咩？慌你又唔係咩清雪咩。｣

我笑了一下，但其實心裏是頓着的，或者正如一開首之言，其實不過湯唯的氣質太吸引，使得人追星而已，這不算甚麼，而我只希望手機在網絡正常時響起那特定的通知聲。





我想，會不會因為大家也没拍過拖所以這些問題也只好胡說而己，因此我去問了阿朱。

｢其實你追咗阿月咁耐，點解咁想要佢呢？｣

或者我問得不是時候，偏偏數中他打藍球、灑熱血、賣弄帥氣的時候，或者他心裏就想……

｢呀賢做乜嘢，關你鬼事咩？｣

他只抛下一條擦過汗的大眼仔手巾就跑回到球場，這無緊要，又不是很想問他，不過一時八卦而已。





｢喂，呀賢！一齊返屋企。｣阿俊平時也不太會跟我一起放學，雖然一直是順路一同搭西鐵。原因簡單，他比較多朋友，或說他有位親密女性朋友。

沿路他没說話，可能今日上堂太累，也可能是我没耍白痴讓他恥笑，更可能是他不知怎開口。

｢今年我哋先同番班，你覺得我點呀？｣

｢吓。｣

｢今日咪問係呢一級度揀會想揀邊個女仔嘅，如果早一年問我，答案會係璃璃。｣

｢吓，邊個黎？｣

｢之前我跌落普通班，成績唔好，但之後遇到璃璃，佢好好，雖然又講唔出邊度好，但就係吸引我，我開始諗點先可以接近佢令佢需要我，我發現佢數學差，之後我就不停操數然後去教佢。｣

｢有得溝女又有助學業喎，著數喎。｣我總在不適合的時候說廢話。





｢不過之後我忍唔住表咗白，答案當然係拒絕啦，我係個好人吖嘛佢話，可能佢講得冇錯，我係個好人，我以為自己係個好人姐。｣

｢咁而家呢個呢？｣

｢所以我好珍惜而家呀瑩，我怕以後再搵唔到一個我愛佢佢愛我嘅人，無論點，我都唔想分開。by the way ，你同蓁蓁點呀而家？｣

｢吓，你又知？｣



其實，我喜歡她，這是不同以往且肯定的。