(新手上路)唔好收好人卡就以為自己係好人: 夾在中間

當一塊夾心從不好受，尤其夾心也有心更甚。

一直沿着輕鐵軌走，連走到元朗也不知道。忽然，手機訊息響了，一聽便知是蓁蓁，因為我較了只屬她一人的聆聲……

｢其實呀文係咪認真架？｣

我望着螢幕，頓了一下，還是回了…

｢梗係啦。｣





｢其實我對佢真係無嘢，到底點先可以令佢死心？｣

｢但佢係好仔黎，雖然佢唔識浪漫，但佢唔去網吧打機，又守校規，又係領袖生，成績又好，連粗口都少講喎，最緊要係佢只鍾意你一個。｣

｢咁無感覺就無感覺架啦，就係因為佢係好仔，我唔想傷害佢，你同佢咁熟，你不如勸下佢。｣

｢……咁我諗下。｣

嗶嗶嗶，又是訊息，我看一看，那是阿文傳來的……





｢今日見你同蓁蓁都有兩句，不如幫手諗下計點樣可以追到蓁蓁？｣

｢吓，你今日幾好吖，繼續囉。｣感覺就是 hea 回，不然要我怎麼回才好？

｢唔係呀，認真啦。｣

那我只好到高登隨意複述感情台的追求攻略、Facebook 的星座剖析，我也不過單身，怎麼會追女攻略，不要強人所難好嗎？

｢其實呢…假如蓁蓁除咗你之外，有同其他男仔 whatapp 、line，又比你更親密喎，而果個男仔係你朋友，知你鍾意蓁蓁，只係一直將你蒙在鼓裡，你會點諗？｣到我忍不住焦慮問了出來。





｢我會同佢絕交☺｣

｢都正路吖👍｣

這樣的日子持續了一整個月，每次中史堂湊着老師在讀書當教書，阿文也跑來給我看他的 whatapp，問我怎麼開話題和回蓁蓁；在小息午膳的時候，在走廊上碰見，旁邊若没有人，蓁蓁就會問勸的事情怎樣；每日放學和蓁蓁的 whatapp 閑聊也漸漸少了，｢跑跑薑餅人｣我倆是有玩的，不過我也不好意思找她太多，畢竟每日應付兩個人轟炸是吃不消的。

一個月以後，蓁蓁煩厭了，没朋友做就沒朋友做，跟阿文說清楚｢你係個好人，但我對你無感覺。｣，以後再不回阿文 WhatsApp，交由時間迫使勇往直前的人放棄。

我没說甚麼，也没得說甚麼，只是害怕一天我也有被放棄的滋味。





























本章後記：

今日同阿文去見工，在回程西鐵歸途上，阿文說到感情問題……

｢其實我真係唔識追女仔，或者咁講，我唔係好識咩叫鍾意一個人。｣

我只笑了，難道我懂嗎？

｢係呢？最近蓁蓁點呀？｣