絕愛達令: 第三章 瞹眛

吃完午餐後，我就搭着姫兒的肩膀向着班房走去。走到了我們的一層，完全是塞滿了人的。看見這場面，令我氣翻了，因為那個插班生竟然和自己當年中一時的魅力一樣強勁，可以有如此景況。於是我跟姬兒好不容易才走進班房，卻看到以下畫面。夜流風雙手插在褲袋內，雙腿搭在我的桌子上，嘴巴一打開，馬上有女同學為他送上美食，他簡直就像個大爺一樣。我實在太看不過眼，第一次用班長的名義把所有人趕走。「你地係咪咁得閒呀？而家係度搞事係咪呀？你，英文作業應該仲未做完啦!?你，乜唔係要交通告俾老師咩？你、你、你，仲有你地呀，視藝作品、專題研習報告、通識工作紙、仲有數學測驗你地溫好曬喇咩？仲唔快啲出番去做你地應該做嘅野?!」若依對同學們說。
所有人都走了之後（班房門是關上的）...
「你！唔好咁得寸進尺呀，快啲抹番乾淨我張桌！」若依對插班生說道。
「如果我係唔抹呀咁點呀？」他說。
「我...我就打到你肯做為止。」若依說道。
「你咪試下囉，我睇你打唔打倒我都成問題啦!」他道。
「好呀，睇下我打得快定你避得快」若依道。
「睇我啦」我一伸手打算抓著他的領帶，怎料他輕鬆避過了。「你學過功夫架？」若依道。
「只不過係跆拳道黑帶啫，唔洗大驚小怪喎。」
「唧，我夠係黑帶」若依頗有自信地說。




「喔，咁等我試下你有冇講大話先」流風輕笑。
正當我想一手把他的領帶扯過來的時候，他用很快的速度伸出手捉住我的手，然後再來一個乾淨利落的摔跤。
「呀，痛死人咩，你咁大力做咩呀！」
「你唔係話你係黑帶咩，我睇你連黃帶都冇囉。」
「我係黑帶，但係講緊同小朋友打果啲黑帶」
「唔識打就早啲講啦，廢事有人整親又賴我」
「你都唔洗咁大力掛，我睇你好似用左九成力度咁囉」
「Sorry喎，你估錯左囉，我啱啱只係用左四成炸」流風嘻皮笑臉的說道。
「咁得戚下嘛，你死梗喇」若依突然想出一個鬼主意。
「呀！」我拿起筆袋一下子敲到他的頭，我看到他皺了一下眉頭。




「你！鐘意挽偷襲係咪呀」
夜流風慢慢走過來，我突然覺得他是不懷好意的。於是，我馬上「哎吔！我個肚好痛呀，痛死我...」我裝出一個很痛苦的樣子。
「你點呀？係咪啱啱食野唔乾淨呀？」流風有少許猶疑的問。
我趁他低下頭的時候，再打了一下他的頭。
「Ya，你真笨」邊說邊往門口的方向跑，當我正扭動門鎖的時候，我聽到一下很大的關門聲，原來是他按住門口。
「你...你做咩行得咁快架」我心驚膽跳的說。
「第二次喇，你啲鬼主意真係多，咁古惑丫拿，睇下我今次點收拾你」他笑得很奸的走過來。
「你...你想點呀...唔..唔好行埋黎丫，我叫老師黎架！」當我退後到牆角的時候，已發現退無可退。
「你想做..做咩呀，我唔..唔會怕..怕你架」
他突然伸出雙手，壓在我左邊和右邊的牆，把我困住。「你塊面點解咁紅嘅，係咪因為我太靚仔呢」




「先至唔會係囉，係呢度太局又熱空氣又唔流通，所以我先至面紅之嘛」
「會唔會係咁呀，真係咁簡單？」因為他離我不夠一厘米，所以他對我說話的氣都噴到我的臉上，他的口氣都很香，一種淡淡的清新香氣。
「你啱啱食左咩呀？點解你個口有陣淡香嘅味嘅？！」
「你想知牙？我可以俾你試下架喎」他賊賊地笑說。
「唔..唔洗喇，快啲俾我出番去呀」我趕緊轉移話題。
他突然把他的嘴巴貼近，只要一開口，就會磁到對方的嘴唇，所以我趕緊側臉」，我聽到他笑了一聲，然後貼近我的耳朵說...「下次再呃我嘅話，你知我會點做啦」
他再向我的耳朵吹了一口氣，令我的臉紅得像個熟透的蕃茄。然後他就慢慢的走出班房。而我就仍然站在牆角，直到安姬兒過來拉我去洗手間。