絕愛達令: 第二章 賭約

「好啦，呢位同學就坐去若依格離個位啦!」Miss Chan說。「唏，我地咁有緣嘅，咁快又見面喇喎。」流風興奮的說。「今日你撞倒我，我都未同你計呀，你最好同我小心啲!」我氣沖沖的說。「今日明明係你撞倒我先架喎，你竟然仲係度賴我，」他說。「先至唔係呀，都係因為你，我差啲仲遲到添呀，」我答。「好喇好喇，見你係個靚女，就算啦!」流風嘆著氣說。「你...（鐘聲響起，）遲啲先再同你嗌，」我便拉著姬兒往餐廳走去。夜流風突然覺得這個女生很有意思，看到帥哥也不臉紅。
我邊走邊跟姬兒說今早發生的事，不知不覺已到了餐廳門口，遇到了死對頭5B班的姊妹花謝劍蘭、謝紫蘭。
「晨早流流就見到兩個八婆臭花，即刻咩胃口都冇曬!」我對著姬兒說。「一朝早見倒件豬扒都飽啦，更加咩都唔洗食添呀!」謝劍蘭即還回句話給我。「豬扒，你話緊你自己牙?!」我笑起來。「我家姐係講緊你呀!」謝紫蘭也不甘示弱的說道。「乜係咩，咁你問下在場所有男生，你我邊個靚啲?!」我得意的說。我話一說完，在場的男生都紛紛指向兩姊妹花說道「梗係你地...最樣衰啦!」哈哈!我向著一些男生眨了眨眼。「都肚餓喇，唔同啲植物傾喇，」我拉著姬兒準備走。「米住，我地唔服氣，如果你可以同新插班生係聖誕聯歡會上唱情歌，佢仲要當場對住大家同你講我愛你，咁先至證明你有吸引力，」謝氏大姊說。「咁無聊嘅野我先唔做呀!」我一面鄙視。「咁啫係你驚做唔倒，所以唔做啦，」紫蘭輕笑道。「邊個話我驚呀，我有咩做唔倒呀!?」我一臉自信說道。「如果邊個輸左就要當住全校同學面前掛住個牌寫住（我係醜女）四個大字，掛足一日!」兩姊妹異口同聲地說。「一信為定！」夏若依稍為認真的說。「到時俾錢佢幫我交足戲咪得囉!」我心想。