妳最美麗的一天: 二。電話

「 今晚個天好靚，好多星星」:Jenny 高音但好甜的聲音說

我望著面前非常漂亮的Jenny。 我唔知點解突然之間 有點衝動想錫佢。

我地雙方望住大家雙眼。 我地好似電視咁講， 互相過電。

正當我地準備來一次 我非常期待的親吻時， 我突然之間聽到。

「Ivan。。。。Ivan。。。。」 我記得把聲唔屬於Jenny。 係屬於我一位好朋友





依個時刻我終於慢慢甦醒。

原來一切都只係一場夢。

「Ivan, 你做咩唔收線？」Amber 好細聲咁問

「 我都唔知點解。 可能因為我根本唔想收線」 我回答

其實當時時間 係凌晨四點鐘。 我自己都仲係半醒狀態。 我只係知道自己好想訓覺。





「咁。。咁。。咁， 你係唔係痴線， 浪費曬d電話費」 佢把聲好似有d尷尬同怕醜

「 傻婆， 我同你都係用緊屋企電話， 點會曬電話費」 我笑笑口咁回答

我地繼續傾計，一傾我同佢又忘記左時間。

「 Oh my god 」Amber 突然之間講「 5點幾啦， 我9點鐘仲要去教堂上Sunday School」

記得有一次佢同我講過 星期三同星期日都要返教堂





「咁好啦」我說「 咁去完 教堂上完堂 打電話比我」

就係咁我同Amber 傾電話傾左十八個小時。

我同佢 講完goodbye之後我其實已經訓唔著。

唔知你地有冇試過當自己訓唔著時， 會特別諗得多野 。回想返頭先個十八個鐘頭自己其實未同佢傾電話多過
一個鐘頭。 今日之前我同佢可以話係普通朋友。 但係過左今日我同佢既關係 一定會 唔同左。

望住個天花板過多左一陣， 都係去左打機。 一打就打到1點。

我望一望電話， 佢竟然冇打返俾我。

個一刻我真係有d失望。 好耐未試過咁期待一個人打返俾我。 其實講真我都唔知點解， 同佢傾計真係好舒服。





個一刻我自己開始問，個十八個鐘 會唔會咁樣令我忘記左Jenny。

當我繼續係到問自己想點時， 手機突然之間響。

好期待係Amber 但係原來係我老友Sean。

我接起電話Sean即時問我:「Ivan, 你星期三幾點返學校做下一學年登記」

「 我應該食完lunch 一點到」:我 回應

當我 講完之後我電話突然之間 有電話入。 原來係Amber。

我即刻同呀Sean講Bye bye， 比佢回應都冇我就接左Amber 電話

「 點解咁遲先打俾我」 我扮嬲咁樣問佢





佢笑住咁 回應「唔好嬲， 今日有幾個 姐妹同弟兄冇來到，今日做死左我」。

「 我其實而家都未做完， 但係頭先突然之間記得星期三要返學校 所以打比你問你去之前食唔食飯」

我一聽到， 當然即時答應左佢。

我聽到佢後面有人叫緊佢，「Mommy 叫我過去幫佢手。 咁我地星期三見。到時電話聯絡」

咁樣短短一個電話，令我笑到停唔到。

冷靜過後， 我同自己講「 今次大鑊，我會唔會真係開始鍾意左佢」