妳最美麗的一天: 一。短信

「RING RING RING」: 我部電話係咁響

「 邊個咁早打電話比我」: 我半醒狀態心諗

「 邊個咁早」: 我好唔願意地問

「你可唔可唔好再send D 空白的短信比我！！！！！」: 她好大聲咁鬧我

本來半醒狀態的我， 即時彈左起身。心諗他媽的咩事晨早溜溜比人咁鬧法。





「你講咩野」:我問佢

「我話， 唔好再send空白短訊比我！！！！」: 再次大聲咁鬧我

「 我都冇。 我岩岩先訓醒覺」: 我好無奈地咁講

「Amber 小姐， 你會唔會搞錯左小小野。 我地成個暑假都無傾過計， 點會係我send」： 我問

「Ivan 哥， 就係我地成個暑假冇傾計我先覺得奇怪 你做咩Send D 空白短信比我」：Amber 反駁我





呢一刻， 我突然之間諗起。 仆街， 前幾日 我老母都話我send左幾個 空白短信比佢。 今次大鑊會唔會真係我部電話。
當然我冇咁樣同佢講。 因為我知道如果佢知真係我， 我個銀包一定又冇左忽肉。 一定唔可以俾佢知。

「 我發誓我部電話真係冇Send 過」: 我繼續強調我的無奈

「 如果再收到我一定會打死你」: Amber 用一個好嚴肅但把聲好甜咁同我講

「 咁就bye bye 我去食早餐」:Amber 說

「 你嘈醒左我咁就走。 難得你有時間打比我，我地傾下計先」我問





唔記得同大家講。Amber 唔係女神級別但算係正常。佢 5呎1吋半高( 經常強調自己5呎3吋高但佢真係冇)，34C同時間佢係一個好有義氣的女仔。 為朋友會不顧一切。

「 咁好啦，我今日都冇野做」: Amber 食住早餐說

就咁樣我地就係咁傾計。 我地傾左好多唔同話題。 我地轉話題轉得非常之快。由講邊個同邊個暑假開始拍拖去到講 邊套av好睇。 我地真係話題可以變得好快。

「 你女神，Jenny 點?」: Amber 突然之間問

我唉左一下「 咪又係咁」:我說

其實我成個暑假 其中一個目標就係放低佢。Jenny 當時係我心下人。 我同佢係起上年暑期補課應識。 但因為佢住係阿拉斯加我住夏威夷， 雖然我地都喜歡大家但係都冇開始過。

「 我其實好掛住佢， 但係同時間又好想放低」我又唉左下





「 我地不如轉話題， 唔好睇d傷心事」:我笑住咁講

「Ok，記住有咩事記得同我講」:Amber 好認真地說

Amber 真係一個好好嘅朋友。雖然佢細過我，但係佢嘅思維好成熟。

當日我同Amber 不停咁轉話題 所以我地傾傾下計 發現已經十一點幾夜晚。 係，我地差唔多傾計傾左 十二個鐘。 但係我地都係冇收線， 因為我發現左佢已經訓著左。 我又唔知點解唔忍心收線。 我就係咁樣靜靜地過左一陣間， 我都瞓著左。