喪化都市: 檔案003

檔案003

光仔為免多事，都是三十六計，走為上著！萬一被張經理發現，一來尷尬，二來他自己沒有拍下證據証明張經理真是自瀆！被人公報私仇開除自己就真是笨了！於是他放輕腳步，慢慢離開廁所⋯⋯

回到自己座位，發覺徐靜原來已經疲倦到躺在抬上睡著！為免伊人著涼，光仔細心拿了自己的外套蓋在她身上⋯⋯
其實光仔已經完成手上的Report，百無聊賴又不想弄醒剛剛睡著的徐靜⋯⋯於是他上網瀏覽最熱爆的高登討論區！光仔一直很介意自己是一個被人歧視的CD－ROM，只因想成為高登會員發言的機會都沒有！
(現實筆者都是⋯⋯)

突然被光仔看到一則“無中生有"的Brother寫著“救命！喪屍出沒元朗"的標題，他好奇興致勃勃Click進去！居然是一條片！拍攝效果很差，只看見一男一女好像被一個人追逐⋯⋯最後女的跌倒在地上！被那個人按著地上，不知是強姦還是甚麼？至於那個男的居然沒有幫手！只懂得一路逃走一路不斷說有喪屍就完了！





這些拍攝質素當然被其他Brother駡了⋯⋯

光仔回頭看著徐靜海藻春睡，這時再三確定徐靜真的睡了，溫柔在她耳邊低聲說：

「靜⋯⋯你知唔知其實我一路以嚟都係咁深愛你！但係你就只係當我係好朋友⋯⋯點解細個嗰時你要奮不顧身救我一命？由嗰時起，我就認定你係我今生今世嘅最愛！徐靜呀⋯⋯徐靜⋯⋯我愛你！」

這時林煥光輕撫徐靜一把秀髪，更忍不住往她的面額吻下去⋯⋯

同一時間，徐靜電話突然響起⋯⋯





這一下把林煥光嚇到跌在地上，徐靜醒來一邊好奇他的舉動，一邊對著電話溫柔地說：

「Jack！你收工啦！」

「我係邊？我咪係光仔公司度啦！」

「係呀！原本約左佢食飯架！點知佢臨時要加班！我依D義氣仔女咪上嚟陪佢攞！」

「咩話！你過嚟車埋我返屋企？哦⋯⋯好呀！ 你等陣先⋯⋯」





這時徐靜對林煥光說：

「光仔！你份Report攪掂末？攪掂就一齊走啦！等亞Jack車埋你番屋企啦⋯⋯」

林煥光當然識趣說：

「靜⋯⋯未呀！我仲差少少呀！你地唔好等我啦！我廢事做電燈膽呀！攪到我毛管棟就唔好啦！」

「痴缐！是但你啦⋯⋯」

「哦！我知啦Jack！咁十分鐘係光仔公司樓下等啦，一陣見！」

「不如我送你落去？橫掂我有D肚餓！去七仔叮叮野食！」

「咁大食？你個肚生蟲呀？好啦！我就批准你送我落樓下啦⋯⋯」





「叮⋯⋯」升降機門打開

徐靜：

「哎呀！我唔記得攞番嗰袋呀！」

林煥光：

「咁冇記性架！你係度等等⋯⋯我幫你入去攞番啦！」

「光仔⋯⋯唔該你！」

這時林煥光以九秒九秒速度飛奔自己座位幫徐靜拿回手袋，同時間他在遠處看見張經理背著他腳步蹣跚行來行去⋯⋯





「痴撚線⋯⋯條友仔唔係真係咁虧呀？定係打飛機打到咁犀利呀？打到腳步浮浮！唔理啦！趕時間！」

原本他還想將剛完成的Report放到張經理房裡，但為免尷尬！最後決定明天九點前先了⋯⋯

「咁耐架！Jack已經係樓下等我地啦！」

「Sorry！大小姐！攞都要時間架⋯⋯」

到了光仔公司樓下，果然見到一輛白色七人房車停泊在此，一名俊朗不凡的男子開口說：

「光仔，唔該晒你送亞靜落嚟喎⋯⋯係呢⋯⋯咁夜仲未收工呀？」

「唔洗客氣！嗱！我依家安安全全將徐靜交番俾你⋯⋯」

這時徐靜開口說：





「佢話肚餓落嚟七仔叮野食！順便送我咋！」

亞Jack：

「點都好啦⋯⋯唔該晒光仔你！」

這時徐靜已經挽著亞Jack的臂彎向光仔說：

「光仔，咁我地走先啦！你都唔好咁夜啦！拜拜！」

林煥光心?酸溜溜望著他們的房車絕塵而去⋯⋯

原本他都準備乘的士回家了，但原來自己像徐靜一樣沒記性，居然忘了帶銀包，迫不得已要回到辦公室⋯⋯