喪化都市: 檔案002

檔案002

大門外果然站著一個青春可人，瓜子口臉的美少女！只見她兩手拿著外賣，紛香撲鼻的食物香味隔著大門傳到光仔的鼻中⋯⋯

「儍仔！仲唔開門？很重呀⋯⋯！」

「靜，你真係上咗嚟呀？點解唔揾亞Jack呀？不過話時話我真係好死肚餓你既出現，簡直係我衣食父母！」

「有無咁誇張呀？嗱！你嘅至愛，牛根亢腩飯，冬啡！」





「我好感動呀！你居然唔理亞Jack！專登過嚟陪我！咦！你嗰盒又叫咩？」

「星州炒米囉⋯⋯煩！」

「仲有你咪誤會呀！我嘅小Jack Jack咪好似你咁要開OT攞！不過你知啦，佢嗰邊做證券買賣，依家仲開埋夜市添！我唔係咁方便陪佢⋯⋯況且我同佢約左聽朝係我公司樓下大家樂食早餐！我先勉為其難陪你咋⋯⋯」

「點都好啦⋯⋯靜！多謝你⋯⋯」

「哇！你真係唔使咁感動喎！況且我都要食架！快D啦⋯⋯D野食凍晒啦！」





「係啦！你份Report究竟要攪幾耐度？唔係真係要通頂呀？」

「呵呵⋯⋯之前我都以為要！不過頭先我花左半個鐘睇一睇，先知好多野原來係好簡單！依家八點鐘，計埋食飯同Double Check 時間，我估最多十一點就走得！不過你唔洗陪我！食完你嘅星州炒米就拍拍羅友走人啦⋯⋯」

「得啦得啦⋯⋯亞Jack放十一點！睇吓到時點啦！」

「哦⋯⋯原來真係有人揾我嚟攝時間！等男朋友放工上到嚟我依度！」

「你咪理！食完飯唔該你埋位做野啦！我就繼續玩Candy crash,四百幾排啦！係咪好叻呢？」





「痴痴地線⋯⋯D咁嘅Game我先唔玩啦！唔講住！我忙到連去廁所時間都冇！渣渣水先⋯⋯」

這時光仔走進公司廁所?，他發覺居然最入面的廁格有人，心想：
「九點幾啦？邊個好似我咁勤力留係公司未走呢？」

出於好奇心的關係，他靜靜地行前低頭一看！發覺原來是一個穿紅色襪的男子，而他立即知道是誰！因為整間公司只有張經理才會這麼有品味穿紅色襪！

「點解張經理咁夜仲係公司？唔會特登Check我掛？」

正當光仔思考之際，廁所門內傳來斷斷續續的呻吟聲
⋯⋯

「屌！唔撚係呀？居然咁重口味夜媽媽係公司廁格打飛機？」