【特工】《虔誠者》: ──黎明騎士團篇──(208)

如此一來，土瓜灣的安全大屋又多一個成員了。隨住時間的過去，本來只有我跟夏林的安全屋‧‧‧‧‧‧沒想到越來越多人了。

大概是這間屋子原本的主人‧‧‧Jay，也沒想到過的吧。

走在這條路上，越來越多的同伴。


「啊‧‧‧」忍蛋一入屋，就咬住痛的躺卧在沙發上。

「哇‧‧‧」本來喝著水的夏林呆住了。





「夏林‧‧‧先幫忍蛋佢清一清理傷口同消毒。」我吩咐著眾人：「鳳凰，將鬼匠帶入我間房，用你整醒夏林嘅方法整醒佢。」

「時！阿時！小時！」霞叫到我的剎那，簡直瘋了的想要過來把我抱住。

我及時俯身、回避，才免於她死於我毒下‧‧‧‧‧‧


「你差啲死‧‧‧」我鬆了口氣。





滿心期待的霞擁抱個空，沒有大罵，嘴角只是有點苦澀的轉身向我問：「啱啱個小人神，就係你要救嘅鬼匠？」

「係‧‧‧我已經知道赤兵隊嘅陰謀，我要阻止佢哋。」

「即係‧‧‧‧‧‧仲要等你阻止埋依件事？」

我沉默、點頭。







「話咗架啦。」一瞬間，霞的表情就苦惱得似是不能自控，語氣乍變冷鋒，自言自語地說：「霞妹，佢根本唔值得你等待，乖乖聽姐姐話，立即返去古家大少爺身邊！」


上一句語畢，霞原本的冷淡的表情又轉為天實純然的臉孔，繼續自言自語：「姐姐啊！佢唔係咁嘅人嚟嫁！」

「‧‧‧‧‧‧」我啞口無言地望住霞不斷自說自話，同時問身後的夏林：「夏林‧‧‧霞佢‧‧‧‧‧‧搞乜鬼‧‧‧」

「霞喺你走咗無耐就開始係咁啦‧‧‧不斷自言自語，一時姐姐一時妹妹，好似自己同自己講嘢咁‧‧‧‧‧‧」夏林好像已經見怪不怪：「一開始我都以為小霞佢悶到發癲‧‧‧‧‧‧後尾佢同我講‧‧‧話身體住咗第二個人‧‧‧‧‧‧好邪啊可？」

「唔通‧‧‧」霞的兩個人格，已經互相得悉對方的存在！？

「點啊？係正常定撞邪啊？」夏林一邊照料忍蛋的傷口，一邊問。

「人格之間嘅溝通‧‧‧‧‧‧」我記得中學時看過一本叫《二十四個比利》的書，人格之間的確存在這種功能。





只是沒想到‧‧‧

現在活生生的呈現在我眼前，使我不太懂得如何反應。


「你仲駁嘴？同佢一切，你唔會有好下場！明唔明？」這個對我懷著極強敵意的，明顯是「日霞」。

「我鐘意邊個，都係我嘅事！」對我極愛的，這是「晚霞」。

「但係個身體有一半都係我，你唔好好似啱啱咁隨便抱佢，搞我到條命都差啲冇埋！」

「你都唔好隨便將我身體俾個嗰古XX污辱啊！」說著說著，霞就感到嘔心的拂撥著自己的身體。

「古家大少，點會咁無禮，無你想像咁衰！」






「你兩個試下冷靜下先。」我望住霞。


「放心，小時。」霞會心一笑，望住我：「只要仲係夜晚，身體控制權都仲喺我身上。」

下一秒，霞就轉化為憎惡的樣子盯住我：「只要一到朝早‧‧‧‧‧‧我就會拎你個百毒人嘅狗命！」

似乎，嘴上說的話和臉部的表情‧‧‧‧‧‧是唯一的例外。

「你兩個唔好再嘈啦，成個小朋友咁。」夏林哄笑道。

「佢先係小朋友，一到朝早就佔用人哋副身體～」霞別過頭到另一面。

「霞，你幾時開始同到佢溝通？」





「你話姐姐？」霞想一想，說：「琴日佢一控制到個身體，又開始亂咁大叫掉嘢，最後見到我同你之前錄低原本要俾佢睇嘅影片，佢就知道咗自己真係有兩個人格‧‧‧‧‧‧由佢有依個認知開始‧‧‧我哋就可以開始互相溝通，不過身體控制權‧‧‧始終以日夜區分。」

「即係你天光之前，行番入房反鎖自己就得？」

「理論上，係。」霞雙手放後，點一點頭。


「咁就好。」


「啊‧‧‧痛呀！」忍蛋咬住了牙。

「少少痛，朱雀仔中槍都唔會好似你咁大件事。」握住一塊濕無巾的夏林，無奈地搖頭。





對了‧‧‧我該入去看看鬼匠的情況了。