【特工】《虔誠者》: ──黎明騎士團篇──(184)

「咁你所講嘅貝蘭，佢點解死咗的？」霞直言直語。


馬夫說起上來就有點咽喉：「佢為咗保護FirstLove⋯俾卡多先生嘅人監生打死！」眼神，掠過了一絲悲憤。


「監生打死⋯一個⋯⋯女仔？」


馬夫繼續道出原由：「FirstLove佢係一隻女馬，出生之後我同貝蘭都睇到佢有好高嘅賽跑天份，絕對係一隻罕見嘅寶馬，可惜⋯⋯馬界有一個不成文規矩，因為女馬嘅腿部肌肉唔夠男馬結實，所以往往會淪為交配工具，正因為咁⋯貝蘭佢不斷暗地培育FirstLove，諗住秘密帶佢參賽⋯⋯但最後都係俾人發現，卡多先生手下嘅職員仲想人道毀滅FirstLove，貝蘭為咗保護佢而比職員打死⋯⋯」





「咁你又點解⋯」

「我好後悔唔夠勇氣阻止佢哋打死貝蘭⋯⋯佢死最後一句就係叫我帶FirstLove走⋯最後，我騎上咗佢，離開卡多先生嘅馬殿。」瘦弱的馬夫憔悴地嘆了口氣：「但喺九龍寨生活有幾艱辛你都知⋯人唔食馬都要食⋯⋯我哋已經捱咗好耐餓得，諗住死前帶佢嚟參賽願一願遺憾⋯但睇嚟⋯」

「好馬！」不知什麼時候，霞就已經騎了在FirstLove之上。

「⋯⋯FirstLove佢竟然肯俾你騎⋯」馬夫似乎有點訝異。

說起上來，霞從剛才開始就已經不斷地與那隻馬作交流。





「佢叫FirstLove？」霞俯著頭，一本正經的問：「的確幾乖，個名有特別含意？」

「初戀。」馬夫淡淡地道出一句：「記念我哋對馬嘅個一種初衷。」


「噹噹噹——比賽將於兩小時後開始。」馬場傳出了宣布。


「既然你哋同FirstLove咁有緣⋯對佢又咁有興趣，我就不如將佢交比你哋⋯⋯我已經自己都就快餓死⋯我唔想連FirstLove都餓死。」馬夫看上去的確極為虛弱。





「可以咩？」霞愣了一下：「你認真？初戀陪咗你咁耐。」

「我已經再無能力照顧佢⋯⋯」馬夫咳了一下：「難得遇見小姐你依位有心人⋯FirstLove都應該感受到你嘅真心，先會願意比你騎上⋯」

「何出此言？」

「唔知道你會唔會相信⋯⋯人同馬自天生就有一種聯繫，一旦遇上自己嘅靈魂同伴隨，就會一拍即合⋯正如你能夠唔洗透過繁長嘅馴養程序，就獲得佢嘅信任⋯⋯」

「真係？」霞低頭、輕撫住FirstLove的頭。

養馬不是太好吧，在九龍寨拖住隻馬周圍走不見得會很方便⋯⋯

「霞。」我打算提醒她一下，卻沒想到她心意已決。





「唔洗講。」她舉起一隻手向我，說：「佢喺到同我相遇，尚算係種緣份。」

「你太魯莽。」

「唔魯莽⋯我又點可以見番你。」

「⋯」

「放心，佢係隻靚馬，我會將佢好好照顧。」霞向馬夫保證。

「實⋯實在太好⋯⋯咁⋯我都⋯⋯」馬夫緩緩地合上眼睛，又咳一下：「FirstLove⋯要好好跟住新主人⋯⋯」

「你⋯」

「就俾佢訓一陣⋯⋯為咗照顧隻馬，佢應該都好辛苦。」赤灼之眼所見，他身體溫度從剛才中了職員一拳開始，已經漸冷。





「嘶——」FirstLove對住馬夫憐叫了一聲。


「走吧。」我牽住馬繩。

「等陣⋯⋯」霞的目光凝放在通道盡頭，說：「入去。」

「你⋯仲想睇？」

她點頭不語。

於是，我便牽住霞騎住的馬，轉為走向貴賓室進發。

貴賓室的通道與平民前往觀眾席的通道裝潢比較下，反映出淡淡的階級主義味道，迎接我的的路是鋪有紅地墊及花紋圖案的牆身，而對面的通道就只是灰白的天一片。






我跟霞看上去，亦像公主與僕人的模樣，她安坐在寶馬之上，我則是牽住馬兒帶領住她們前進。


終於，我們來到貴賓室的門前。

「喀」的一聲，我把門推開。


「先生，小姐。」前來迎接我們的，是一位服務生：「要幫你哋安排一個位？定已經有相熟朋友喺到？」

「安排個位。」我答。

「咁請你哋出示貴賓卡。」服務生繼續禮貌地說。





「貴賓卡？」我們只是照職員所說來了貴賓室。

「無錯，入貴賓室會有特別服務，所以只有合資格會員可以享用服務。」服務生答。


此時，遠處一位看上較為年長些的服務員注意到我們，他凝望住我疑慮了一下後，便立即上前：「你好！先生小姐！請問有咩可以幫到你哋！？」

「主管⋯⋯佢哋好似冇貴賓卡。」年輕服務生尷尬地說。


我點頭：「嗯。」我答。


「喔⋯唔緊要啊！我認得先生你。」年長服務員和笑著，說：「上次墨龍少爺同卡多先生喺九龍寨食店進餐個陣，我就見過你，你係墨龍少爺朋友啊嘛？卡多先生吩附過，墨龍少爺朋友就係佢朋友，所以非常歡迎你前嚟卡多先生嘅馬場。」

「⋯⋯」幸好突然有個傢伙走出來說見過我。

「咳⋯所以，我可以入去？」我望了眼霞，她顯得一頭霧水

「隨時可以！請跟我嚟。」服務員開始為我們領路。

貴賓室位於整個馬場的上方，面積是一大個圓環形狀，設置落地玻璃窗讓人可以隨時觀看整個會場的情況，包括賽馬跑道及觀眾席，視覺上使人震撼。

「仲未問兩位尊姓大名？」服務員問。

「黎。」

「傲。」

「黎生傲小姐。」服務員邊引路邊說，又讚美：「你哋隻馬真係好靚，不過貴賓室唔准帶馬入去⋯你哋可能要轉交俾人帶去樓下嘅馬殿。」

「唔得！」霞立即回應，說：「交俾你哋，我唔放心。」


「咁⋯⋯我盡量安排下。」

霞的確好著緊這隻馬啊。

服務員終於把我們帶到貴賓室之中，裡面人數也不少，看上去就是個上流人士的交流聯誼會，入面的人即使身處九龍寨之中，可是仍然著得光鮮。

相比起在場握住酒杯、身穿艷麗的女士，穿著一身白紗如雪，輕薄如絲長衣袍的霞，更顯得純美，樸素簡潔得如墨畫。

因此，很快就成為在場的吸睛人物，去到哪裡總有一、兩道目光射來。

終於，服務員把我們帶去一個位置坐下。

「明艷動人。」旁邊一位富家公子，不禁讚嘆道。

「小心講嘢。」我盯住他。

「⋯」


「唔好意思，傲小姐，有客人投訴貴寵會滋擾到佢休息。」服務生好快又回來。

「哦。」霞回應一句，就若無其事的走去玻璃窗前看比賽。

「呃⋯⋯」

會場突然「噹噹」一聲，主持人便開始說話起來。


「第一輪正式賽跑賽事，就快開始啊！歡迎各位黎到奔馬之城，下注時間仲有不足一小時，祝各位贏大錢啊！」主持人說。

「霞，不如拎隻馬去馬殿交俾人照顧先。」我說。

霞搖搖頭，說：「交比佢哋，一陣FirstLove比人虐待都唔知。」

本來過來看馬的，卻變了養馬⋯⋯都不知是福還是禍。


「今年比賽獎品十分之大，係由卡多先生特別用南非稀有黑鑽薄金屬製成嘅——「金剛圈」，唔係孫悟空個隻喎！係獨一無二嘅戒指，係天價嫁！！」主持人說。

「哇⋯我都想要啊⋯⋯」、「老公！你整唔整到隻啊？」、「卡多先生真係了不起。」貴賓室的婦人在讚嘆獎品之際，霞卻專心地撫著馬兒。

她果然都是獨一無二。

「果然，騎住馬出場嘅女仔都係與別不同。」我們旁邊那位公子哥又說，緊接望住了我：「可惜有個兇惡嘅僕人保鑣。」

可是霞顧著玩馬，完全沒有聽到這傢伙說的。

「你係邊個？或者睇我小姐有冇興趣認識下你。」既然他都說我是僕人，就偽裝一下吧。

「我？我叫卡金，依個馬場嘅主人即係卡多，係我老豆。」他自傲的神色都盡到面上：「咁你哋～？」

「銀河系、七號星雲、四十六號行星、莫多卡卡星球族人。」我微笑。

明顯地，我在作弄他吧。

我的本意是在說明：就算你父親是卡多⋯那又如何？

「乜有個咁嘅地方⋯？」

他居然會產生疑惑⋯⋯！

「⋯」

「點都好～反正你小姐唔係公主就係國王個孫女？嫁比我，我想同佢徵婚。」卡金長著一副不俗的樣子，卻意外地白痴。

於是，我採取直接不作理會政策。