【特工】《虔誠者》: ──傲家婚約‧牽絆篇──(70)
「可以向依方面繼續查證，不過連中國政府嘅特工部都未拘捕到佢哋…就證明依班人唔簡單。」西方狐狸深疑地說道。
第七師團團長抬起腮子，突然問道：「話時話，上次我哋喺九龍寨見到班『狼族』最近有冇佢哋消息？估唔到除咗我哋特工之外，香港仲會有批實力咁高嘅人……」
「『狼族』。冇，完全冇佢哋消息……好似風一樣咁消失。」亞歷山大‧費耳答。
「身為副團長，我有必要俾各位師團團長知道『赤兵隊』依一刻運行嘅情況，費耳…同佢哋講。」輓歌說。
於是亞歷山大‧費耳就離開沙發，走去拉了一塊白板在上面開始畫寫一些「赤兵隊」的組織概要，趁這空餘時候來跟他們作個小總結。
「我哋『赤兵隊』經歷數次戰役之後約莫仲有一百多人，全部都係叛變特工…當然有唔少係當初喺『海洋監牢』救出嚟，任何國籍都有，當然…內部核心成員只會由香港人擔任。資金方面，我哋掌有有約八千萬以上可流動資金……每一次軍火購入、物資補給都需要花費，不過好彩有狐狸仔你管住條數。」亞歷山大‧費耳向西方狐狸打個眼色，繼續說下去：「不過唔洗擔心…我哋表面身為電影公司，理所當然會投資電影嚟洗黑金，所以可以持續發展落去。」
「根據赤曲推翻特工部嘅行程，我哋已經算係完成咗一半。」到輓歌自己開腔，說：「之後落嚟嘅事，就係我哋要繼續有一批人去搵仲逃走緊四處嘅叛變特工、搵外援組織合作、仲有將『赤兵隊』成為叛變特工嘅大台，確立相反勢力嘅存在，令叛變特工知道……天下間仲有佢哋嘅安身之所。」
「我哋可以搵外援組織合作？」刑雛對於這一點有些少疑惑。
「冇錯，例如之前短暫合作過嘅狼族、任何殺手組織、賞金獵人，總之就係網羅所有菁英……去推翻依一個財熊勢力嘅特工部。」輓歌望向窗外的皎月，淺淡一笑：「如果可以，仲可以搵個一嗰人。」
「……背‧叛‧者‧？」芭蒂說到他的名字，也認真下來：「佢只係個傳說……」
「你應該有睇過，個幾宗新聞？」輓歌反問。
「李元凡個班狗官相繼死亡嘅新聞……？」西方狐狸也不經覺展現出微笑，就好比知道漆黑的一方也不單止存在他們一點光一樣：「睇過，一個連特首都殺到嘅男人…我都想知…特工界嘅傳說……頭號特工嘅存在到底係唔係真。」
「世界上點會有依種人存在～」第七師團團長輕蔑一笑，擺出無奈地手勢。
「如果佢有傳聞咁厲害，應該一早就知我哋『赤兵隊』存在……既然佢都係反抗香港政府…咁點解……」刑雛不解。
「或者，佢已經退隱、已經死咗、已經暗中行事…又或者，對抗緊一個比特工部勢力更大嘅組織？」亞歷山大‧費耳聳一聳肩，說：「Who knows？特工部將佢份文件同行蹤列為最高度機密，我成為叛變特工原因就係因為佢依一個傳說……自以為電腦駭入技術高超想要駭入特工部，睇下頭號特工係唔係真係存在。不過駭入到特工部網絡深層先知，佢份文件需要用「量子演計電腦」去運算先解得開，就算係我都入唔到……」
「即係？」大家都帶著一個問號，可能亞歷山大‧費耳把話說得太複雜。
「一般人係入唔到，可能只有科學家、軍方、最保密嘅政府人員先會入到。」亞歷山大‧費耳感慨地說：「雖然最後駭唔到入去…仲俾情報人員即時喺特工部個辦公室拉咗，不過我已經知道答案……已經心滿意足。」
「答案係存在…？定還是只係特工部虛構出嚟想唬嚇其餘特工嘅虛假存在。」西方狐狸似乎十分好奇，應該說大家也是。
「哼哈，你自己去搵，佢係我喺特工界嘅偶像先令我想犧牲前途去發掘下。」亞歷山大‧費耳得逞寫意地說：「學好啲電腦啊，駭入五角大樓同『５１區』你仲可以知道世上存唔存在外星人～」
「你條友竟然喺到吊我癮……」西方狐狸瞇著眼瞪著他。
「點都好。」亞歷山大‧費耳說回正題：「就算佢真係處在，都唔係我哋應該接觸嘅人，我哋『赤兵隊』現階段搵實力相等組織就得。」
此時，門外來了一個身形矮小精悍的男人，他嘴唇上有著一大片的胡子，看起上來就像奇幻小說裡的矮人。
「聽講把百鬼傘壞撚咗！！喺邊到啊屌？！！」他氣粗粗地笨拙跑過來，站在我們眾人之間四處游望。
「鬼匠先生，喺到。」輓歌恭敬地奉上赤時破損的百鬼傘，是赤曲交託給他要交給鬼匠修理。
鬼匠的身材雖然細小卻勝在健壯，只憑單手就握得住百鬼匠並抵在空中仔細查看著損傷程度：「屌哪媽！玩乜搞到咁！！係咪用咗我把珍寶嚟玩插女人屎忽遊戲搞到咁呀呀呀呀──可惡呀……我一定要再整到佢硬淨啲！！！！！！」誰人會想到，一位技術高超的武器工匠性格會是如此剛烈？
「等撚陣！！！」正當鬼匠想離開時，他的眼睛回眸盯住了刑雛手上的一把精光寶劍：「你喺邊到得番嚟！！！？」
「你想點？」刑雛冷冷地問。
「依把劍…你喺邊到得番嚟？」鬼匠目光凝住那把寶劍，終於不吐出一句粗口。
「火場，百毒佢遇害嘅地方。」其實是刑雛在那裡撿了霞的寶劍，它的鋒利之處對於受過此劍傷害的刑雛來說莫過於最清楚，所以他在火場無意中見到此劍被人如此掉在地上就馬上撿了回來。
「俾我！！」鬼匠向他怒喊。
刑雛不知如何反應：「…」
「俾我呀！！！」鬼臣再一次怒喊，刑雛只好不明所以地交上。
「哈…今次成事喇！」鬼匠離開時高高興興地，喃喃自語著：「百鬼傘…夜行傘……」
百鬼夜行。
經歷過一整晚的搶救後，赤曲總算把半隻腳踏入了鬼門關的赤時拉回來。還好早些日子前他預防有「赤兵隊」成員會受重傷，而購入了數部價錢不菲的醫療設備回來，現在總算派得上用場。
猶如連續做了數十個小時運動的赤曲步出手術室那一刻真的恰似暈倒，不過就算暈倒也是因為開心而暈倒，臉上發自內心的笑容是騙不了人的。
可是事情還未完結，即便赤時救得回來也還未能令他完全醒來。人的意志，就是如此趣怪的東西，假如你帶著與病魔對抗的心，總有一天還是會醒來；不過相反你帶著必死的意志去到最後一刻，那麼花過千多世紀也不會醒來。
一切只是取決於，你能否突破到自己的那一關。
「赤曲，仲咁夜？」西方狐狸為手術完成後坐在最上層總理室的赤曲送上了白咖啡。
「我覺得…我有必要去一躺。」赤曲凝視住電腦的畫面，畫面上是記錄著赤時帶著百鬼傘走過的地方，而當中他待得最長時間的地方便是南丫島的真理山。
「哈…百毒小時佢鐘意咗行山？成個月都記錄佢喺咗山移動嘅。」西方狐狸也走過來瞄一眼。
「佢留喺個到成個月，肯定有佢原因。」赤曲按上了畫面右上角的「X」，來關閉網頁程式：「後日我會去一躺，到時幫我叫輓歌好好管理『赤兵隊』，如常運作。」
「收到。」西方狐狸點頭。
如是者，兩日後赤曲便帶備了各項的特工裝備前往那處──真理山。
赤曲學著赤時他走遍了整個山頭，不過花了四、五個小時也沒什麼驚人的發現，正當他想著要休息並撥電話給某個殺手組織的朋友時，才發現山上這裡手機訊號收不了，驀地聯想起赤時的百鬼傘有些時候都會接收不到訊號，從而無法得知他的定位。
赤曲亦很快便聯想到山上還有洞穴的地方是最難接收訊號，因此便想起上來最高處之前見過一個山洞卻比政府人員用鐵欄圍封著寫──「禁止進入」。
因此極有可能是赤時曾經躲藏之處，想到這裡他就事不宜遲趕到洞外且翻欄而去，一直走到盡頭之處遇著一個漆黑的大深洞才停下來，同時背包所掛著的幅射探測機也隨著深入洞穴而上升，因此赤曲便戴上了防毒面具且設定好攀山工具游繩而下。
用地上撿來的一塊小石拋下確認著地處安全後，便把雙腳放到地上解開繩子，握著電桶繼續深入洞穴。
可是走不多久他就感覺到自己的皮膚好像過敏一樣，即便衣服是防毒物料手腕、背、腳、頸的位置還是有點癢的感覺，仔細一看還能發現生了一點紅斑，漸漸地令人奇癢難當。
察覺前方有異的赤曲當下取出探毒測應機，才發現這裡空氣浮毒的情況已經比正常超標，再行前恐怕會有危險……
不過赤曲還是帶有後著，如果這點事情也料不了就成不了特工，所謂特工就是除了一個計劃之外，也要準備更多的計劃去承托上一個失敗的計劃。
於是赤曲退後數十步到剛才游繩下來的原處，再從背包上拿出一部裝置有照明燈、錄影機及自爆系統的搖控車，別小看這一部小小模型玩具車，造價可達十萬以上。
「嗖──」的一聲，裝了強力馬達的搖控車便如赤曲控制般前進入山洞內部，大概張真理也沒想過自己的地方會被人如此闖入探究。