有個偽abc姐姐同我補習: 姐姐，遲到當然係無時間觀念啦，但早到咁多都係無時間觀念架

可能屋企環境唔係好好，唔想浪費屋企人錢，所以補完第一堂之後有番少少上進心，特別係英文，有私補仲唔合格真係[banghead]把啦

 時間過得太快，話咁快就到左第二堂。點知Scarlett早左成九個字到，岩岩沖完涼既我以為阿媽買餸番，下身包條毛巾就去開門，點知一開門就...... 

「Good morning」

 「er...hi...」 

姐姐呀，遲到當然係無時間觀念啦，但早到咁多都係無時間觀念架。



 今日Scarlett上身着左件好薄既白色背心仔同好薄既外套，下身熱褲，對腳同條腰真係不得了......姐姐呀！你知唔知我咁樣對你兩個鐘好辛苦架！！！對腳仲要有時hi到我,不過咁，補習有啲野睇下都唔洗咁dry 

補補下阿媽番左黎，仲整埋下午茶，補完之後邀請埋Scarlett食晚飯，唉...人地點好意思呀， 

「吓...Auntie唔洗啦，...」

 「miss呀唔好客氣，就咁話啦」

 「er...咁...好啦」



 四點補完六點食飯，有客人係到點可以做自閉仔呢，個客仲要咁正，幾帶都打好啲關係，第日大家好相處呀嘛:D點知佢仲主動過我，係咁同我分享下係大學啲野，唔記得講，Scarlett讀港大的，介紹下啲網站比我學英文，問我平時上網鐘意睇乜

 咁我就話上開高登講故台追故，介紹啲好睇既故比佢睇，例如果個《有個偽abc姐姐同我補習》

 「Edward，我想你買本exercise呀」

 「好呀，邊本呀」 

「一陣食完飯我陪你去買啦，我個個學生都有用果本」



 食飯果陣，阿爸阿媽係咁問我上堂點，乖唔乖，唔乖既話可以打我 

「我媽媽煮啲野好食嘛？」 

「好好食呀」 

「咁以後食埋飯先走啦」

 「哈哈」

 突然間電話響起，原來係我前度Irene打黎，

 「喂靚女，揾我做乜」 

「衰人，我地好耐無見面啦」 



「吓...你唔係好唔想見到我咩」 

「我先無你咁小器，我唔理呀，你要陪我睇戲，我想睇inside out呀」

 「但係我有野做緊喎」

 「睇夜場囉，地鐵站等啦」

 我就咁Irene強行迫出黎...... 

「女朋友呀？」Scarlett問 

「過左去lu」 



「咁而家有無拍拖呀」

 我搖一搖頭

 「咁你呢，一定好多男仔約啦，港大校花」

 Scarlett拍一拍我手臂「咦，人地邊係喎」但係塊面笑到紅晒

 「咁你有無男朋友姐」 

「想我話既，下個星期交篇800字既writing比我啦」

 「無人想知呀，講左爛......」

 「講左點呀？？？」



 「無野啦......」

 去到書局買完exercise，我陪Scarlett睇左陣書，佢介紹左幾本novels比我，不過我聽完就算，睇呢啲書一頁分分鐘我要查半個鐘字典 買完之後，我就送Scarlett搭地鐵，點知係閘口附近就撞到Irene...... 

Scarlett見狀，就同我講bye bye 

「hello靚女Irene」

 「阿烈，個女仔邊個黎既？」Irene一臉不惚望住我......