有個偽abc姐姐同我補習: 我叫Scarlett,係黎幫你補習架

  是咁的，
我叫阿烈，中四hea左一年，勉勉強強先升到班，由於進度追唔上，特別係英文，所以屋企人幫我揾左人上門同我補英文。

 「喂？」

 「Hello，請問你係咪阿烈呀」一把女聲從電話傳出 

「係呀，你係......」 「你好呀，我叫Scarlett，係你媽媽比你電話我既，佢揾我幫你補習」 

「哦......ok呀，咁你幾時黎」 



「well...我今個星期六下午二點得閒，你ok？」

 「ok呀」

 「Good，咁你比你address我吖」

 「旺角長旺大廈9樓M室」

 「Thank You,see you」



 「bye bye 」

 聽講野既語氣，應該就係個偽abc港女黎既，星期六得閒就得閒啦，well乜鬼野姐。不過咁，係個姐姐同我補點都好過哥哥吖，係咪？

 到左星期六兩點半，佢已經遲左半個鐘，我等到唔耐煩，有無搞錯呀，第一日你就遲到。點知條友打黎同我講揾緊路，我hi，你條死港女唔早啲打比我！！ 我咁隆重其事，係屋企補習都gel好頭等你，你當我咩呀？ 我叫佢唔好行，企定定等我，八月天氣咁熱，搞到阿叔我慶過關德興...... 

無幾遠，我見到一個九一分界女神頭，左手右手戴住手鍊，着住黑色連身裙既女仔企係到左望右望，我諗係佢啦！ 我行埋去，揮揮手

「hi，你係Scarlett？」 



「係呀，你係阿烈？Sorry呀，我本來諗住睇google map就識路，點知唔知行左去邊」 

「唔緊要，棟樓係無咁多人識，我帶你去啦」 

「Thank you」 

我同Scarlett平排行，眼尾不時下佢，佢港唔港女一件事，不過佢真係幾索。皮膚白皙，雙腳修長，衰就衰在ipad左少少，不過都有少少凸既，樣唔識形容，總之係靚女一個，睇到我扯扯地...... 

八月天氣好熱，一番到屋企，我習慣地除衫，點知一除左先醒起Scarlett望住，搞到我勁唔好意思即刻着番衫。 

「Sor...sorry呀，我習慣左」 

「唔緊要」



 正常一個女仔有啲矜持係啲咁既情況都會有啲怕怕羞羞，不過Scarlett少少面紅都無，個嘴仲含春咁款，可能我有啲肌肉啦。我諗呢條港女可能成日睇男人既身體...... 我拎左罐汽水比佢就正式開始上堂，一開始佢就叫我用英文自我介紹先，what the fuck?由細到大我最憎就係介紹自己 

「唔洗緊張喎，呢到得我同你」

 「ok,唔好笑我」

 「嗯」佢對我微笑 

「Good afternoon Scarlett,I am Edward............. 」 我一邊講，佢就托住個頭望住我，時不時點下頭或者「嗯」

 「great!唔錯喎，你啲英文都唔係好差姐」

 「做左17年人要介紹自己有幾難，到你啦」

 「um...咁好啦。Hi Edward,I am Scarlett............」



 第一堂既補習都好輕鬆咁度過，呢個姐姐睇落有啲港女，但相處左兩個鐘，佢都幾nice下，比我既第一感覺唔錯 

「好啦，咁今日就講住咁多先，如果你有啲咩問題就whatsapp我啦」

 「ok,我送你搭車吖，呢到附近有啲複雜」

 老實講，我樓下夜晚有人賣白粉，而且又街市又收廢紙又多老鼠，真係品流複雜又唔衞生。

 一路上，我地都無講學術上既話題，不過岩岩識，講野係謹慎啲，萬一唔覺意爆粗，真係乜形象都衰晒...... 

送到Scarlett去地鐵站， 

「我走啦，下星期見，bye bye」



 「bye bye」 

就係咁，開始左我同Scarlett既故事......