《第一次 我說我會記得妳 第二次 我說我會約定妳》: 潛伏黑幕的情侶(下)
轉眼間，到了除夕夜當天，我們相約在中環皇后像廣場。除了她們四姊妹外，還多了兩個男孩，一共七人。
聽聞這兩個男孩是衝著Janice而來，應該是仰慕者，一位叫Patrick，一位叫Matthew，兩位相貌堂堂，驟眼看人品也不錯。
若果我是Janice，可能我也選不下手，可實行一妻多夫制！但Janice對他們顯然有點冷淡。另一個焦點，小S跟阿Jan黑絲長腿真的非常吸引，眼球根本不想移開......
Ashley：Dennis，從男仔角度，你覺得邊個好啲啊？
我：我從男仔角度，我覺得我最好！
Ashley：唔係啊，係佢地兩個邊個好啲啊？
我：好難揀！你睇啱邊個啊？
Ashley：唓！人地都唔係為咗我而黎既！人地為阿Jan專誠黎嫁！
我：即係有人冇人要啦！呵呵呵！
Ashley：係咪想我做低你啊下？
我：唔敢！不過阿Jan好受歡迎！
Ashley：係呀，都有我一半嫁！
我：至威係你啦！
大約十一時四十分，我感到有點涼意，決定買一杯咖啡喝。
小S：我陪你吖！
我：唔好啦，你著住高跟鞋行黎行去，咁多人撞死你啊！
小S：好啦！快啲番，我等你啊！
我：嗯嗯！
Janice：等一等，我都要去洗手間啊！
我：咁一齊啦！
我在洗手廁附近等待Janice，出來後，我們眼見太多人聚集，已經不能再往小S方向移動，就連她們的影子也看不到，所以打電話通知。
我：喂！小S！
小S：你地係邊啊，仲有一分鐘就到十二點啦！
我：太多人啊，我地行唔番過黎啊！
小S：唔緊要啦！你係電話同我倒數吖！
我, 小S：三、二、一！Happy New Year！
小S：希望......每一年都可以見到你！
我：嗯！
小S：幫我同阿Jan講埋Happy New Year吖！一振見！
我：阿Jan，Happy New Year！
Janice：You Too！
因為人潮開始陸續散去，所以掀起一波又一波的人浪，湧向我們。Janice不小心地跌了一跤，很清脆地聽到「咯」一聲，穿高跟鞋扭倒，應該是痛苦的事，雖然作為男人，我絕不明白，但見她痛苦的樣子，都知道是「女人的痛」。
我：阿Jan，有冇事啊？(我立刻扶起她。)
Janice：應該係扭親下啫！(她面有難色。)
我：痛唔痛啊？
Janice：有少少！
我：唔好啦！我送你返屋企先啦，唔好再行街住啦！我打比小S先！
小S：你地係邊啊？
我：小S，阿Jan扭親啊！
小S：有冇事啊？
我：應該係普通扭倒啫！我都係送阿Jan番屋企先啦！
小S：好啦！你快啲送啦！我地Ok嫁啦！
我扶著阿Jan走到地鐵站，幸好有座位，可讓她休息一下。到了杏花村，我們下了車，但見著阿Jan還是痛苦的樣子，總令人不太放心。
Janice：你送到我依度得啦！
我：但係你屋企遠唔遠嫁？
Janice：嗯......我應該Ok嫁！
我：唔好啦，一係等我揹你啦！
Janice：咁樣唔係太好既！(她似乎很尷尬。)
我：趁依加冇咩人應該唔會有熟人見到既！
Janice：咁......就麻煩你啦！
我：你指去邊個方向，我就行邊一邊啦！
Janice：嗯......
Janice：我......係咪好重啊？
我：唔係啊，還可以吖！
Janice一點兒都不重，甚至比小S還輕，但是經過長時間的疊加下，負重始終會增加。剛開始時，阿Jan比較生硬，但漸漸放鬆後，就緊扶我的肩膀。
我：阿Jan，其實你......駛唔駛打番比......個兩個男仔交代下你點啊？
Janice：嗯......其實......我同佢地係普通朋友，所以......
我：但係......佢地對你有......意思嗎！
Janice：佢地好好，不過......唔係太適合我......
我：我太八卦添！
Janice：唔緊要！都唔係咩特別事！
行了十五分鐘，終於到Janice家了。
Janice：得嫁啦！唔該晒你！阻到你除夕日子既興致真係唔好意思！
我：冇緊要啦！最緊要你冇整親！屋企有冇藥油啊？
Janice：係木櫃筒第二格！
我：你除咗絲襪先啦，我幫你搽完藥油先走。
Janice：下......咁......會唔會阻到你？
我：好快嫁啫！反正都送到你返屋企啦！
Janice：咁就勞煩......你......啦！
在這裡，我不詳述如何替人搽藥油了，因為若果你們是喜歡長腿的朋友，都知道這種感覺是別有一番滋味在心頭，只是純欣賞角度，不用胡亂猜想與FF，我不是變態的！
不過在搽藥油期間，我感覺到阿Jan目不轉睛地盯著我，她的眸子泛起一個又一個的光波，難道是被我弄很痛？
與小S通電話交代......
小S：阿Jan點啊？有冇事啊？
我：得啦，佢冇事啊，返咗屋企啦，唔駛咁擔心啦！
小S：咁就好啦！
我：你都早啲返屋企啦，我唔想成為你第二個整親啊！
小S：Ok！
我：我眼訓啦！返屋企啦！Bye！
小S：Bye Bye！
一月，大家都忙於考試，二月又因為拜年，大家絕少見面。到了三月，我卻做了一件浪漫的事情。晚上，我接過一個來電。
小S：有部戲我好想睇啊？
我：咩戲啊？我唔會睇《吸血新世紀》嫁！悶到發溫！
小S：唔係啊！係《Beastly》啊！
我：《美女與野獸－新世紀激情篇》？
小S：係啊！星期六，五點鐘Ok嗎？
我：唔得啊！
小S：下！點解啊？
我：近排有野做緊！
小S：咁我自己睇啦......
看來這個場面很悲傷，但我將它完全扭轉。早在星期六，我已經早到了戲院一小時，只等待小S買戲票，然後我進去給驚喜。事情發展尚算順利，她買戲票後，就去了洗手間，我就買下旁邊的一張戲票。待她進場後，我從後跟上，她坐下，我逐漸走近。
我：小姐，介唔介意坐你隔離？
小S：......可以啊！(她碌大了眼睛，看著我，笑逐顏開的面容展露無遺。)
小S：點解你又突然出現既？(她突然捆著我的手。)
我：依個係秘密！完成一幅畫係需要一個好重要既元素。小姐，願唔願意永遠成為我畫中既風景啊？
小S：嗯......我願意！
其實一般來說，我認為這些是無聊事，但我知道對小S來說，卻是一件浪漫和刻骨銘心的事情，所以為她做一兩次，我從不介意。人生有驚喜，是生活上必然的調味品，更何況是她這個人生呢！
小S：教你講句法文吖？
我：你識咩？
小S：法文係我一半母語黎嫁！
小S：跟我讀 Je t'aime
我：咩黎嫁？
小S：跟我讀啦！
我：好啦！Je t'aime！
小S：你唔準同第二個人講嫁！係"我愛你"咁解！
我：你咁唔知醜既，迫人同你講！
小S：你唔鍾意我？
我：唔知呢！你估下！
小S：無論你愛唔愛我都好啦！多謝你陪我睇戲，Dennis！
我：去食飯啦，傻瓜！
七月二日，這是一個凝重的日子，我來到小S家。發現Ashley, Katherine, 小S神色凝重，見著她們的手拍在Janice的肩膀。原來Janice正在飲泣，淚雨俱下，散落在人間。我有點驚訝，用手打量小S。
我：阿Jan做咩事啊？
小S：唔知啊，佢黎到就係咁喊啦！
我：......
小S：佢好似話佢做咗啲好唔啱既事，原諒唔到自己！你都幫手氹下佢吖！(她嘆一口氣！)
我：好既！
一會兒後，Janice開始冷靜下來，但淚水仍然含在眼眶。
我：阿Jan，總有人會諒解你嫁！
Janice：嗯......(眼淚又來了！)
仍然未知道Janice發生何事......我心裡突然出現一個奇怪的疑問......或許是我想太多吧......
中五學期完成，我與小S仍然繼續扮演潛伏在黑幕中的情侶......